金坊泰國美食

营业中

休息中

平日一家人想食泰國菜，就必定第一時間諗起荃灣金坊。話說荃灣有兩間金坊，個人推介兆和街分店，同路德圍分店比較，呢度環境寬敞啲，人流又少啲，食品質素又高啲！嚟金坊食飯切忌眼闊肚窄，原因係金坊出名大大碟，12人同行，連小食主菜叫 8~10款已經足夠！今次因為係慶祝生日，所以叫咗好多平日少食嘅菜餚。叫冬蔭功湯就係常識啦！湯底味道濃郁，又香又辣，加埋鮮蝦、大蜆、青口 大量海鮮，配蕃茄、香茅、檸檬葉等香料，點會令人失望吖？炸蝦餅皮蛋 - 味道出奇咁夾，皮蛋有助化解油膩，配泰式雞醬，酸酸甜甜 燒脆鱔 - 魚肉超厚身，魚皮燒到脆卜卜，個人覺得仲好食過日式!泰式豬手 - 即係鹵水豬手，豬手鹵煮到入口即化，100%骨膠原，3-80歲都啱食!咖哩軟殼蟹 - 呢款有少少貴，軟殼蟹炸得酥脆，但呢款咖哩太油，食過好油膩好滯，建議叫黃咖哩/青咖哩炒蟹（鮮肉蟹）好啲!Pad Thai 泰式鮮蝦炒金邊粉 - 蝦仁爽脆，金邊粉又甜酸中帶微辣，刺激味蕾食慾大增!泰左炒河粉 - 呢度啲河粉有別於一般乾炒牛河嗰啲，佢比坊間用闊+厚身，吸味一流!菠蘿海鮮炒飯 - 小朋友嘅最愛，加埋提子乾增加甜味，又有焗腰果增加口感!馬拉盞炒芥