金坊泰國美食

在荃灣經營咗咁耐，在咁多競爭下，仍然屹立不倒，仲可以開分店，當年有其優勝之處。來得該店，當然唔係食環境及服務，但亦唔會太差。客人主要是一家大細，收費算合理。不過電子支付全部壞咗，要用現金付款，就造成一些麻煩啦。冬蔭功及炸蠔餅味道一般，雞翼有雪藏味，但咖哩配蒜蓉包味道幾夾，小炒亦屬唔錯。鹽焗馬友肉質超滑，必點之選。贈送的甜品超甜，唔太健康。雖然每碟都唔算大份，但配埋白飯，都食得幾飽。推介：鹽焗馬友、蒜蓉包…查看更多

這餐廳在3樓，在地面的入口處，有一位姐姐在落力招徠。這天點了兩個下午茶，另追加了一個小吃，酸辣鳳爪沙律。超值下午茶1+1 ，點了鴨肉湯河和豬肉串燒，飲品選了熱檸檬茶。湯河的湯頭味道比較一般，鴨肉有五六件，肉質有彈性，味道不錯，河粉滑而且份量多。豬肉串燒的肉質不算嫩滑，但也不柴，醬汁惹味，好吃。檸檬茶茶底比較苦澀，不太好喝。不過，這下午茶只需$40 ，我覺得性價比很高。另一個下午茶選了遊船湯海南雞河粉，小食選了泰式咖喱角，飲品點了熱咖啡。湯河的湯頭很不錯，頗有泰國船河的風味。海南雞份量不少，但味道不突出，肉質也只是一般。河粉同樣又多又滑。咖喱角有兩隻，不是熱的，是室溫的，外皮脆，但餡料不多。咖啡比較一般，不特別好喝。酸辣鳳爪味道很不錯，份量雖然不多，但只需13元，也算不錯。…查看更多

今次去咗荃灣一間泰國餐廳，真係一個味覺嘅享受！首先，我哋品嚐咗**酸辣鳳爪沙律**。鳳爪煮得啱啱好，入口即化，加上酸辣嘅調味汁，味道層次豐富，酸辣適中，令人胃口大開。接住嚟，我哋試咗**香濃芝心蝦丸**。每一粒蝦丸都係外脆內嫩，咬開嚟仲有香濃嘅芝士流出，口感豐富，非常美味。蝦丸嘅鮮味同芝士嘅香濃完美結合，真係令人回味無窮。再嚟一個**馬拉盞炒椰菜苗**。椰菜苗炒得好嫩，保留咗爽脆嘅口感，加上馬拉盞嘅鹹香味，炒得啱啱好，冇過火，完美保留咗食材嘅原味。主菜選擇咗**咖喱炒大蝦**。大蝦鮮嫩多汁，咖喱汁香濃惹味，融合咗椰漿嘅甜香同咖喱嘅辛辣，非常開胃。每一啖都係一個味覺嘅享受，絕對令人大飽口福。最後，我哋用**青檸梳打**作為今餐嘅完美結尾。青檸梳打清新爽口，酸甜適中，解渴又消滯，令整個用餐體驗更加完美。…查看更多

「食」對於唔少人嚟講真係好重要，對於我哋嚟講都唔例外。而為咗尋找人生嘅不同味道，絕對要捐窿捐罅搵好嘢食呀！嚟到美食指數極高嘅荃灣，除咗地道嘅港式情懷，仲有主打泰國菜嘅金坊泰國美食。泰式炸豬手豬手嘅形狀大小適中，一口一件，加上帶有鹹香嘅調味，不失為一道佐酒小食。有別於廣東嘅炆豬手，泰式豬手肉質較為煙靭，頗有嚼口。豬手外皮更是炸到脆身，但依然保持肉汁。咖喱軟殼蟹將黃色咖喱汁淋上炸到脆卜卜嘅軟殼蟹，真係令人回味無窮。咖喱味香濃，入口甘香，加上酥香嘅薄餅，真係可以清曬成碟咖哩汁呀！燒鱸魚燒鱸魚嘅時間掌握得好好，燒完嘅魚肉仍然滑溜，而且非常Juicy！點上微辣嘅泰式青醬，更能提鮮魚肉，絕對有畫龍點睛的效果。…查看更多

金坊泰國菜在香港已經有很多年歷史，之前已經光顧了紅磡和將軍澳分店，今晚便來到荃灣其中一間分店。已經知道這裏很多人，便一早預訂了八點，以為早到會有枱，誰不知店內已經很多人坐滿了，一定要等到7:45。😂😂😂生蝦刺身8隻 $118，生蝦爽口彈牙，加上蒜片、苦瓜片和酸辣醬汁，整個生蝦刺身爽甜又帶點惹味。🌶️ 🌶️ 🌶️金坊柚子沙律$98，柚子份量十足，加上青芒果絲的爽甜，和醬汁的香辣味道，既開胃，又健康。香葉肉碎炒河$83，河粉很像水晶粉，軟糯可口，第一次吃炒粉是這個質地，非常驚艷，下次再來必點。芒果黑白糯米飯$78 ，綠色是斑蘭葉染成的糯米飯，加上黑糯米足足有一碗飯之多，兩個人吃已經非常飽肚。芒果清甜可口，椰漿如果不夠還可以叫店員添加，整個糯米飯非常之美味。Singha 大支啤酒，平日一至四特價$25 。冰凍的泰國啤酒加上泰國美食，是一個完美組合。值得一提示這裏雖然客人眾多，不過服務人員態度和藹可親，這個年代值得一讚。另外這裏沒有加一 ，不過每個人頭$3水費。…查看更多

新年假期去荃灣一間開業多年的泰國餐廳，原以為節日人流會少啲，點知入到去都幾full，不過店家冇收加一，仲有九折優惠，感覺幾親民。可惜當晚試嘅幾道菜整體表現一般，未如理想，聽聞平日質素會較穩定。 海南雞半隻味道正常，雞髀位置幾嫩滑，炒菜熱辣上枱，調味適中，海鮮冬蔭功酸辣味夠，湯底有層次，不過「海鮮」份量令人失望，只有兩隻蝦，反而菇類特別多。 沙嗲串燒食落好似冇醃過，完全冇味，炸蝦餅屬於麵粉比例較高嘅類型，口感普通，辣椒肉碎炒飯未夠辣，米飯濕濕地，炒得唔夠乾爽，仲有啲碎飯影響口感，油飯顏色偏白，冇想像中嘅油飯香氣，感覺似普通飯，蒜蓉包上枱時已經唔熱，蒜蓉味正常，但整體無咩特色。 雖然餐廳多年屹立荃灣，價錢親民，環境亦算舒服，但當日食物水準未如理想，感覺有點趕工。特別係串燒同炒飯，兩款應該係泰國菜基本款，今次卻未能達標。或許平日來會有較好體驗，但以新年假期嘅表現來講，確實未夠吸引人再訪。…查看更多

這間位於荃灣的【金坊泰國美食】，晚市沒有加一收費，份量十足。除了有多款單點泰式美食外，還有二人套餐，包了沙律、湯、主食等，都是二百多元起，十分超值。馬拉盞炒椰菜苗椰菜苗有陣陣馬拉盞咸香味，炒至爽脆惹味。泰式豬手豬手皮煮至入口溶化，膠質豐富，豬手入味又夠腍。沙嗲串燒串燒要了牛及雞，燒至表面焦香，其中雞肉嫩滑多汁，配上沙嗲醬更添風味。香濃芝心蝦丸蝦丸炸至金黃香脆，中間芝士呈流心狀，蝦丸新鮮彈牙。香辣海鮮炒粉絲粉絲加上雜菌及海鮮炒至惹味又爽口。最後飲返杯梳打清一清味蕾。…查看更多

椰青魚翅雞煲真係好正！一打開蓋，椰青嘅香味立刻撲面而來，雞肉煮得剛剛好，鮮嫩多汁，每一口都有椰青嘅甜香味，配埋魚翅，口感滑溜，真係令人回味無窮。湯底用椰子水煮成，清甜又不膩！！明爐鱸魚呢個明爐鱸魚就更加唔使講！魚肉鮮嫩，咬落去有種超級鮮甜嘅味道。最正嘅係，明爐燒嘅時候，魚身上面嘅香料味道慢慢滲入，整個魚都充滿咗香氣。配埋一啲特製醬油，真係令我每一口都想多食幾塊，完全停唔到口！蒜蓉炒魷魚通菜呢個蒜蓉炒魷魚通菜就係我心目中嘅完美搭配！魷魚炒得剛剛好，口感彈牙，蒜蓉嘅香味一出來，就已經令人食指大動。通菜炒得脆口，仲有一啲蒜香味，食落去真係好開胃！整個菜式清新又唔會太油膩，食完之後仲有種意猶未盡嘅感覺，真係好想再叫多一盤！…查看更多

環境坐得舒服 有卡位 有大枱坐朋友仔有頂枱 好快可以入座 三個人 叫左五樣野食好飽😂 碟碟 份量都好有誠意咖喱炒蜆 大隻 無砂 有咖哩香味 唔辣 炸蝦餅 保持水準 香口彈牙 無投訴冬陰公 色香味到齊哂 唔死鹹 但湯料較少海鮮炒粉絲 都正 足料 最後仲叫多個蒜蓉包 送埋咖喱汁勁開心仔🥰🥰…查看更多

金坊泰國美食以獨特的美食吸引食客，是泰國美食愛好者的盛宴。青檸汁燒牛肉，牛肉鮮嫩多汁，搭配酸甜的青檸汁，味道清新提神。牛肉經過醃製後，吸收青檸香氣，增加層次感。燒烤的過程中，牛肉外焦內嫩，口感極佳。泰式青咖哩豬肉菜，豬肉軟嫩，與青咖哩的香氣完美結合。咖哩中的香料如香茅、青檸葉和辣椒，讓整道菜散發出誘人的香氣，口味上帶有微微的辣味。蒜蓉包條外皮酥脆，內餡香濃，蒜蓉的香氣十分撲鼻，搭配青咖哩食用最佳。沙爹串燒半打，包含豬肉、牛肉和雞肉，三種肉類各具特色。沙爹醬汁香濃，略帶花生風味，搭配烤肉的香氣，讓人垂涎欲滴。芒果沙冰色澤鮮艷，口感滑順。椰子沙冰充分利用椰子的天然甜味，口感綿密，清新可口，椰香濃郁。金坊泰國美食 (荃灣)地址：荃灣兆和街38-40號荃灣美食城3樓…查看更多

第一次去，同朋友午餐，食咗青咖哩雞同金不換豬頸肉，到最後嗰舊豬頸肉覺得吞咗啲硬嘢，朋友話可能係金不換啲莖部會有啲硬。走咗之後覺得喉嚨好唔舒服，跟住嘔咗啲血出嚟同好痛，因為已經搭緊車，所以係私家醫院睇。醫生用喉鉗鉗開喉嚨，見到喉嚨損咗但睇唔到係乜嘢，跟住照x光見到嗰樣嘢跌咗落咽喉到，跟住轉咗睇耳鼻喉科，醫生用鼻窺探見到有啲金屬嘅嘢，然後用鼻窺鏡加鉗鉗咗D好嚇人嘅嘢😱，係一條彎曲兩頭尖嘅鐵線！！當時我真係好驚呀！！條鐵線插咗喺我聲帶嘅隔離痛咗我幾個鐘頭！點解食嘢會食到呢啲咁嘅嘢？咁都得！？如果條鐵線插過D或跌咗落食道或氣管，咁我就真係死得喇！呢間嘢處理食物真係好有問題呀！[IMG:41…查看更多

之前幫襯過荃灣路德圍同黃埔分店，嗰兩間都唔錯，呢間真係一般🫣一上到去感覺就好舊同唔太衛生咁🥲禮拜日下午嚟到，lunch menu 好多選擇，價錢合理👍⭐️鮮蝦金邊粉等咗25分鐘⋯⋯金邊粉味道OK，食落唔橡筋，份量正常，蝦肉彈牙但係完全冇味，反而啲雞蛋仲好食😅⭐️白灼時菜（芥蘭）等咗35分鐘⋯⋯正常冬天食芥蘭係好好食，但係佢呢碟有啲鞋口，唔太新鮮同好似好重草青味咁唔只我等得耐，我見隔籬周圍檯檯都喺度催單🤦🏻‍♀️應該係因為佢哋接左張好大嘅外賣定到會單，店員話廚房已經慢慢出緊堂食單，但係我希望餐廳可以確定有足夠人手同能力先接呢啲大單，如果唔係只會得失其他堂食嘅客人🫣…查看更多

金坊泰國美食位於荃灣，店內裝潢簡潔而不失泰國特色，木質桌椅與暖色調燈光營造出溫馨的用餐氛圍。冬陰明爐馬友魚，最開心是帶著爐，對于現在已經開始漸凍的天氣，熱辣辣的食得熱乎乎的，配料有香芹菜、芫荽及檸檬葉……等，增添香味。馬友魚肉質細膩，吸收了冬陰功湯的酸辣，酸辣適度，每一口都是對味蕾的挑戰。泰式青咖喱牛肉，牛肉軟嫩，青咖喱的香氣濃郁，辣中帶甜，令人回味。蒜蓉炒通菜，通菜新鮮，蒜蓉的香味與通菜的清脆相得益彰，簡單卻不失美味。餐廳的服務人員態度友好，上菜速度快，整體用餐體驗令人滿意。金坊泰國美食以其正宗的泰國風味和舒適的用餐環境，爲食客們提供了一次難忘的美食之旅。無論是家庭聚餐還是朋友小聚，這裏都是一個不錯的選擇。…查看更多

朋友話金坊泰國菜係荃灣最出名既泰國菜，做完野就同朋友過黎試下！佢地有2人套餐，分別係$238同埋$278，食物好豐富，仲唔使收加一！ 我地就叫左$278套餐！ 揀左馬拉盞炒椰菜苗、海南雞半隻、燒豬頸肉同埋鮮蝦炒金邊粉！馬拉盞炒椰菜苗炒得夠惹味！海南雞色水好靚，雞肉又嫩又滑！燒豬頸肉色香味俱全！加埋個蝦炒金邊粉有大大隻蝦仁真係好夠飽！想食生蝦仲可以用優惠加$48加配4隻生蝦，大大隻又鮮味十足！最後仲會奉送泰國糕點做甜品，性價比超高呀！…查看更多

今日咁岩去開荃灣做野,咁就去路德圍睇下有咩食啦。咁岩幾個同事又想食泰國野,咁我地見到有位就入左去。我叫左個海鮮炒公仔麵,再叫左個凍奶茶,同事就叫左個海鮮炒粉絲。個炒公仔麵都等左幾耐,差唔多15分鐘先黎到,可能因為都幾full啦,等到都有D肚餓。個炒公仔麵黎到第一眼覺得都幾大份,但原來麵係比得唔多,但反而配菜係比得好多,食落感覺係配菜比麵仲多D。個麵炒出黎都幾好食,唔會話太重味,海鮮都唔錯,不過海鮮就唔多啦,有10粒8粒咁啦,都可以接受。另外凍奶茶就不過不失咁啦,無咩特別。而個lunch價$57都合理既,食哂都幾飽,如果下次再經過都會再去,同事話炒粉絲好食,下次會去試下。…查看更多