意樂餐廳 (長發廣場)

营业中

休息中

長發商場經過大執位，好多新食肆進駐，不過有Ｄ唔怕競爭，依舊屹立不倒既，其中一間就係意樂啦！今日我地午飯時間去，已經坐滿晒人，好在朋友幫我霸定位先！💕我叫左個飛魚子煙三文魚蛋白炒珍珠飯，個名咁長一聽就知份量十足啦！黎到就見講真唔太大碟，不過係無偷工減料既！尤其有好多塊三文魚，鮮甜好味！仲有Ｄ菇好好口感，Ｄ飛魚子混入飯中好香口，極力推薦！👍🏻👍🏻👍🏻我有個朋友叫左白汁吞拿魚肉醬焗意粉，以為焗野好耐啦，點知十分鐘內送到，效率幾高！而且焗得好透，香噴噴，朋友話好多肉醬，食得佢津津有味！ 😉😉而另一位朋友就叫左香草烤雞茄子忌廉焗珍珠飯，呢個本來我都想叫架，不過想食三文魚飯多Ｄ，下次一定要試呢個！淨係Ｄ忌廉汁已經好吸引，塊雞扒好大塊，睇住佢食真係羨慕死人！而Ｄ飯都焗得好透，大碟夠飽，正！❤️❤️