肉肉強食 by 鋒膳 (已結業)

#肉肉強食我會形容佢為大件夾抵食！質素同味道比花x餐廳好，🤩價錢亦比平一截。🙂店舖聲明肉類絕對唔使用鬆肉粉及食粉醃製，都對自已出品好有信心。我必要先講$20 #鐵板吉列豬柳 😹無睇錯真係$20，限量每日50份只限堂食。使用既係日本宮崎快樂豬，🤗呢個價錢呢個質素，🐷食到成個人都好快樂。豬柳外層脆卜卜，雖然係薄切仍然食到肉嘅質感帶肉汁，肉味幾香，😋真係好有驚喜。$88 #西冷牛扒西冷肉味始終比較香濃，😆肉質比較有咬口，但絕對唔係韌！$128 #牛柳真係軟綿綿腍滋滋😋，帶既肉汁係比較多㗎。要喺兩者之間做一個選擇嘅話我都係會揀返西冷，偏好佢既肉香。扒餐都加左$18 要餐，包左湯、飲品、餐包、飯/意粉/薯菜、甜品。超級豐盛。🌟餐包夠熱辣辣又夠鬆軟🌟讚。#芝士牛肉漢堡漢堡扒應該係自製，感覺上似係手打，幾彈牙，加埋菜蕃茄芝士，喺一個港式嘅漢堡包。