影片
相关文章
位于长沙湾的肉肉强食，主打平价铁板扒，为高级私房菜锋膳旗下餐厅，想必出品有一定的水准。更抢到$20的限量日本宫崎快乐猪！-吉列猪柳 $20(优惠价)每天限量30份。采用日本宫崎快乐猪，口感超弹牙，猪肉味道浓郁，整体竟然最高质的是吉列猪柳！-肉眼 $88采用纽西兰牛，扒身好厚，不过口感稍微韧了一点，味道还好。这个价钱来说算平。-纽西兰羊架 $138选择了洋葱汁，羊味充足，算是不错。惊喜的反而是新鲜爽口的洋葱。
继续阅读
细个嘅时候，爸妈成日会带我哋去食铁板餐，仲记得𠮶时食铁板餐系一件超开心嘅事，因为有得锯大大块扒，又有得放纵食薯条。大个咗反而好少再食。呢日阿妹介绍我嚟长沙湾呢间肉肉强食，走怀旧港式西餐厅路线，枱面铺上红白格仔枱布，d童年回忆返晒嚟！铁板餐价钱非常亲民，最抵食嘅当然系$20嘅吉烈宫崎猪柳铁板餐，6pm后供应，每天限20份，我哋点咗一份，上台时完全吓亲，因为份量绝对无将货就价，足足有两大块之多，而且每块都非常厚切！猪肉仲要用上宫崎猪柳，肉质爽弹有嚼劲，炸浆都好薄，淋上蒜蓉汁后，非常惹味！其他铁阪餐一样价钱相宜，$58-138不等，而且不收加一，难怪平日晚市都座无虚席！、牛柳铁板餐($128)采用纽西兰牛肉，肉味虽然唔算浓，但肉质好软腍，毫不嚡口。我特别欣赏餐厅强调所有肉类都不以松肉粉或食粉去腌，食得健康！牛柳同黑椒汁系绝配，上枱时，店员就淋上黑椒汁，铁板滋滋作响，声音好疗愈！美式什扒($78)呢个又系充满童年回忆，细个我最钟意就系食什扒，因为款式最多，感觉最丰富，啱晒贪心嘅我！呢度嘅什扒份量好慷慨，眼见几乎所有客人都食唔晒，好夸张！有鸡翼、猪扒、司华力肠、烟肉、鸡扒等，配上洋葱汁，太好食！铁板餐+$22即可有埋餐汤、餐包、饭/意粉/薯条、饮品及甜品。餐包好松软，比想像中好食！餐汤拣咗一红一白，罗宋汤好足料，香甜浓郁。忌廉汤都好creamy，味道浓稠，两款都诚意十足。薯条系我钟意嘅淋薯条，不过食到后期实在太饱啦，所以食唔晒，有D可惜！甜品系菠萝啫喱，罗拔臣啫喱加上花奶，又系回忆杀，正！最后加埋餐饮，好饱足呀！
继续阅读
朋友喺长沙湾返工，夜晚同佢一齐去食扒，冇谂过间餐厅都几抵食~我地点咗2个set, 再加多一份吉列猪柳。铁板蒜蓉大虾带子伴牛柳意粉配餐包、罗宋汤、红豆冰同雪糕（$175）上碟既时候职员会帮手倒酱汁，一路倒一路发出诱人既滋滋声，加上香喷喷既气味，令人忍唔住即刻食！轻煎带子口感滑身，餐厅牛柳嚟自纽西兰牛肉，我拣咗七成熟，中间隐约见到粉红色，咬落软嫩，对我嚟讲啱啱好👍🏻朋友拣咗比目鱼配薯角，比目鱼比想像中大块好多！食落鱼肉非常嫩滑，跟餐配有餐汤同饮品，性价比好高～然后加$20点多份吉列猪柳，猪柳系选自日本宫崎快乐猪，一人一大块好抵食！猪柳食落肉质松软，唔错唔错！餐汤味道浓郁加埋饮品同甜品，超丰富既一餐！
继续阅读
我个人比较少食扒餐, 因为要煮得够JUICY 又唔硬, 都唔易呢一间个肉质又整得几好 而且见佢话「无松粉, 无食粉」冇松粉既帮助下, 整体D扒都整得几软腍, 又系几劲 ➽牛柳 $128 有两大块，仲好厚身拣咗五成熟，肉质软腍juicy牛味浓郁，同黑椒汁好夹➽西冷牛扒 $88 相比牛柳较有咬口，肉质唔靭有口感五成熟啱啱好，keep到肉质嫩滑多汁➽吉列猪柳 $20 每日限量30份，$20 真系好抵食用「日本宫崎快乐猪」，仲要厚切薄薄嘅炸浆好香口，肉质弹口唔干拣蒜茸汁有预先放咗粒粒蒜茸喺猪扒上再淋汁，蒜味超浓➽+$22配套餐罗宋汤好足料，有粒粒牛肉薯条啱啱炸起热辣辣仲有餐包同嘢饮甜品可以拣雪糕🍦或者啫喱加花奶餐厅话系用纽西兰牛肉, 质素系真系几好而且个价几抵食，性价比高
继续阅读
想锯扒但又唔想食贵野，呢间野岩哂😂。平民版西餐厅，一上到去就闻到阵阵地铁板肉味！拣左2个贵少少既精选铁板餐，加$22包埋餐包餐汤同甜品。铁板鲜忌廉淡黑椒汁T骨牛魔王牛魔王真系岩哂！牛既份量大份到一个点😦，sauce比平时既普通黑椒汁特别，加入左鲜忌廉，菜既份量都唔少，可以平衡返肉既油腻感。铁板蒜蓉大虾带子伴牛柳虾虽然只系得一只，但个size唔细，开边虾上面配左D芝士，带子大只得黎又无乜雪藏味。牛柳5成熟刚刚好，肉味几浓。最后甜品有啫喱，好怀旧🤣。呢个价钱有咁既质素无咩可以嫌弃，抵。
继续阅读