牛極 (大全街) (已結業)

今日突然之間好想鋸扒，經過呢間牛極，啱晒即刻入去，12點左右仲有位，去到12:30已經滿座。一入嚟要喺部點餐機度買飛先，點咗180g牛肩扒試吓，坐底侍應即刻招呼我去自助區，嗰度飯，湯，沙律同埋蒜蓉，燒汁都係任攞！唔會好似有啲鋸扒餐廳加蒜蓉都要加錢。另外都有檸檬水可以自己斟，不過就有少少忙😂，再攞埋個圍裙返埋位settle好晒之後塊扒就已經上到嚟！用張紙巾蓋住左來上菜，唔驚啲油煙彈到周圍都係，都幾細心👍🏻。打開塊扒唔算大，但食落肉味非常香，而且塊扒好厚好有口感，配住蒜蓉，燒汁同埋飯食，非常有飽足感！另外配上日式牛肉湯，入面勁多牛肉勁足料都係任你舀。另外佢塊鐵板真係好夠熱，我食到最尾塊鐵板都仲可以攞嚟幫手燒熟塊扒，就唔會出現塊扒凍咗唔好食嘅情況，基本上成餐飯塊扒都係熱辣辣！正！