麻辣皇后 (已結業)

近來多左返大陸玩，迷上左食麻辣魚，咁岩深水埗開左間麻辣皇后，當然要去試下～除左麻辣魚，呢度粉麵都應該唔錯，見到左右隔離好多人食螺獅粉。鯇魚(細邊)$168因為得兩個人的關係，今次只係揀左條細的鯇魚，其實份量都唔少，肉質幾滑溜，骨頭亦唔算多，而且都好易揀出來。我地揀的麻辣誘惑味，呢種辣幾特別，因為唔會愈食愈辣，反而係食食下會適應果種，嗜辣初心者都可以放膽嘗試。烤魚配菜都係因為得兩個人的關係，所以唔敢揀咁多配菜，只係揀左兩款最想食的，事實證明，呢個決定非常明智：-螺獅粉一睇以為係米線（外形相似度高達九成），但係食落口感唔一樣，米線一般比較軟身，而螺獅粉比較爽口，平時食得多米線，可以試下呢個唔一樣的麵，都唔錯架！-小羊羔肉真係，足料到我唔知講咩好。冇諗過呢個價錢的羊肉可以有咁大的份量，我地好努力咁食都仲有好多，最後食哂的時候係飽到上心口但係，平價唔代表冇質素，呢個小羊羔肉的肉味非常香濃，性價比極高，係今日的必食推薦！涼拌藕片口感爽脆，辣得過癮，呢個小食愈食愈開胃！紅糖糍粑又甜又香，口感軟糯，除左當甜品咁食，朋友覺得仲可以用來解辣整體來講，條魚夠新鮮，小食質素唔錯，而且食物份量極足料，真係值得