雪山冰廳

营业中

休息中

贪系深水埗食小菜，唔使等位又好食，不过今次好赶冇饮到炖汤，炖汤绝对系限量，推荐大家饮，点了以下食物：1. 招牌海南鸡饭：肉质嫩滑，够味唔重味，油饭份量一大碗，食上黎啖啖肉唔使吐骨。2. 槟城叻沙掺掺 配日本樱花虾炒蛋 & 牛油黑糖多士：餐牌有解释掺掺 = 油面+米粉双并，个人喜爱配米粉较好，因为可以更索汤，材料唔算丰富，2只虾加几块鱼片+类似玉子的物体，口感都唔错，匙羹会附有酱料附上，会更惹味。樱花虾炒蛋似奄例，滑滑嫩嫩好好食，黑糖多士加牛油都好正，好过一般白面包。场内服务唔错，态度有礼亲切，菜式即叫即制速度快，下次都想试下西多士。