麻辣香鍋

营业中

休息中

今日到旺角做野，午餐時間朗豪坊間間餐廳都排晒隊，決定同同事去附近碰下運氣，誤打誤撞黎到呢間川菜舖。既然呢度叫得麻辣香鍋，又點可以唔試下佢嘅干鍋呢？味道可以揀麻辣、香辣或醬香，亦可以揀唔同辣度，再配五款餸。我哋揀咗麻辣小辣，配午餐肉、豬大腸、肥牛、萵筍及雜菇。干鍋好快就送上，傳出陣陣麻香味，鍋入面有好多辣椒，非常足料。小辣味道剛剛好，惹味得黎唔會太辣，當中午餐肉同萵筍吸收晒麻辣味，送飯一流；而更令人驚喜嘅係豬大腸，經炸過後爽脆香口，配干鍋食一流。酸辣木耳 :木耳夠清爽，配埋青瓜絲及甘筍絲，味道酸酸辣辣，作為飯前小食最為適合。回鍋肉 :本人最喜愛的菜式之一，鑊氣十足，椰菜仍然保持鮮嫩爽口，辣辣地好開胃。