影片
更多
2018-02-08
1358 浏览
在銅鑼灣行咗半日街，差唔多黃昏肚餓了，但又未到食飯時間，搵間小食店，食住啲小食先再等晚餐。見到正宗上海生煎皇，食生煎包和小籠包都好喎！半開放式廚房，睇到裏面上菜真係好快手，啲食物去得快，用料自然都一定新鮮啲。果然上菜上得好快，入座後即刻落單，職員就會印番張單畀你，隨即就上菜了。見到枱上面有張紙仔，寫住生煎四部曲，係教你食生煎包要先咬咗生煎包上面一啖，啜咗啲汁，然後先至再開懷大吃。天氣凍當然點返杯熱豆漿飲下啦，12蚊一杯，甜度適中，有豆奶香，最喜歡食上海菜時飲豆漿，覺得係絕配的。生煎包size 不算大，唔驚食滯左食唔落晚餐。上碟時，兩個包都係底部朝天，我反轉其中一個，見到佢個生煎包係頂部煎香的，而不是平時食開的煎香底部。咬開，弊傢伙啦，唔記得咗先咬頂部啜咗啲汁先，搞到啲汁噴射出嚟，彈到對面朋友件衫，搞到真係唔好意思！又流晒d 汁落個碗度。不過咁就證明生煎包裏面肉汁超多，而且真係煎到外面脆脆哋，先至會一咬開咁大壓力噴射出來。肉餡都幾大舊喎，同埋一啲都唔乾，仲好香豬肉味。裏面用咗蒜蓉蔥花拌肉餡，所以咁香！生煎包的皮，有煎的地方脆，冇煎的地方也仍然鬆軟，口感真係非常好！灌湯小籠包四隻，34蚊一
半開放式廚房，睇到裏面上菜真係好快手，啲食物去得快，用料自然都一定新鮮啲。
果然上菜上得好快，入座後即刻落單，職員就會印番張單畀你，隨即就上菜了。
見到枱上面有張紙仔，寫住生煎四部曲，係教你食生煎包要先咬咗生煎包上面一啖，啜咗啲汁，然後先至再開懷大吃。
天氣凍當然點返杯熱豆漿飲下啦，12蚊一杯，甜度適中，有豆奶香，最喜歡食上海菜時飲豆漿，覺得係絕配的。
生煎包size 不算大，唔驚食滯左食唔落晚餐。上碟時，兩個包都係底部朝天，我反轉其中一個，見到佢個生煎包係頂部煎香的，而不是平時食開的煎香底部。
咬開，弊傢伙啦，唔記得咗先咬頂部啜咗啲汁先，搞到啲汁噴射出嚟，彈到對面朋友件衫，搞到真係唔好意思！又流晒d 汁落個碗度。不過咁就證明生煎包裏面肉汁超多，而且真係煎到外面脆脆哋，先至會一咬開咁大壓力噴射出來。肉餡都幾大舊喎，同埋一啲都唔乾，仲好香豬肉味。裏面用咗蒜蓉蔥花拌肉餡，所以咁香！生煎包的皮，有煎的地方脆，冇煎的地方也仍然鬆軟，口感真係非常好！
灌湯小籠包四隻，34蚊一籠，另外會畀碟薑絲你，自己倒陳醋食。
陳醋同薑絲都係食小籠包必備的，醋好香，唔會太酸，朋友怕酸的都食到。
咬開小籠包，好開心，熱辣辣多湯汁，話明係灌湯，冇講錯。裏面肉餡都幾新鮮，豬肉有彈牙口感，雖然食咗生煎包，但係再食小籠包，都覺得味道唔同，兩者絕對可以同時食，因為份量唔算多，食完生煎包都唔覺滯，再食小籠包更加開胃。
蒜泥白肉35蚊一碟，見到啲蒜蓉多到呢，真係不吝嗇地鋪滿曬在豬肉上面，超開心！因為很喜歡吃蒜蓉。
蒜泥白肉都沾滿了辣椒油，每片豬肉都是薄切的，令蒜蓉和辣味都比較容易滲透。豬肉不肥，多吃幾塊也不怕。肉質是結實的新鮮的，味道是超香濃的蒜蓉味，辣味只是微辣，朋友不能吃辣的，覺得也可接受。而且他最欣賞是蒜蓉，又新鮮又香，作為晚餐前的小吃，非常適合！
原來蒜泥白肉下低還有青瓜墊底，青瓜粒也很新鮮，非常清香爽口，拌著蒜蓉和辣椒油一起吃，完全可以消去油膩感覺，而且青瓜是醃過醋的，略帶醋酸味，很香，又幫助消化，真的越吃越開胃。
可惜我哋仲要留返個胃嚟食晚飯，唔可以再食咁多嘢啦。但係今次食咗呢幾樣小食，覺得呢度每樣食物都係平凡中帶不平凡，絕對值得以平民價，品嚐高質素食物，一定再返嚟幫襯。埋單$99,兩個人食下午茶都算抵食。
张贴
