GAIJIN

营业中

休息中

同朋友食生日飯🥰揀左呢間日西結合嘅Fine Dining，價錢唔貴（人頭$600左右），但質素好好。Dinner set煙燻法國鵪鶉髀—鵪鶉髀整得好稔滑，肉質超細嫩又入味。蔬菜酥餅甜椒味好重，睇樣估唔到呢樣前菜係偏濃味😌法式龍蝦湯🦞—飲得出落左好多龍蝦，真材實料，冇過咸，份量比一般西餐多。海膽Risotto—整體都係濃厚質感。黑芝麻慕絲蛋糕—中意呢個收尾嘅蛋糕仔☺️芝麻味濃得嚟甜度剛好，質地幼滑，食完都冇負擔。5 course menu時令生蠔🦪朋友食嘅，加左蘋果味份子泡沫。英國煙三文魚柳—用蘋果木煙燻過嘅三文魚北海道海膽意粉—海膽不只係上面裝飾，意粉都食到海膽鮮甜味。法國有骨牛仔扒🥩—店員介紹係4成熟，但完全冇血水，肉質幾嫩滑又有肉香。Chocolate Mushroom🌰—好靚好得意😍好似一個迷你蘑菇花園咁，其實係香滑嘅朱古力榛子慕絲配蛋白脆餅，賣相真係超級精緻。