Hot Pot 熱‧海鮮火鍋私房菜 (已結業)

真心好味，食材用料全部都好新鮮，除咗有得食火鍋，仲可以嗌小菜，啱晒一大班朋友上嚟有不同喜好，我最鍾意佢個益力多沙冰，再配熱辣辣嘅火鍋，我通常揀川芎天麻魚頭湯底，好濃郁嘅藥材味仲有奶白色嘅魚湯飲😍仲有佢啲海鮮拼盤，壽司刺身全部都係厚切，擺盤又夠時尚。每嚟一碟餸都一定要打咗卡先。仲有個厚切午餐肉，有入口即溶嘅感覺，我覺得有初戀嘅味道。雖然好簡單嘅食材，但係有非凡嘅口感，尤其是而家冬天凍冰冰真係要食返多幾次火鍋。