影片
更多
2012-03-06
149 浏览
12月3日, tea time時間出到銅鑼灣本來係想食個下午茶餐嘅… 不過離遠見到皇室堡大大隻字寫住牛角~ 又戚起條筋好想去試! 平時食飯時間閒閒地都要等半個鐘或以上先有得食嘅牛角, 如果唔洗等就有得食喇!::: 腹胸肉 :: $49腹胸肉算係呢度除咗牛肋肉以外嘅名物~ 亦係我覺得最抵食品質最好嘅一款牛肉! 之前食過牛肋肉覺得肉質比較韌, 反而切得比較厚嘅腹胸肉仲比較嫩口~ 可能佢厚d肥d, 燒完之後肉汁都多d! 不過雖然d牛醃料唔算重, 但都唔係好濃牛味.::: 蒜香牛油一口牛 ::: $49呢個一口牛顧名思義就係加入蒜茸去調味嘅牛粒~ 牛油再另錫紙兜上, 等你燒牛時再將兜牛油放上烤爐熱溶, 用嚟蘸牛粒食. 一口牛其實都幾蝦人燒, 中間好難熟, 燒得耐又會韌. 又唔係食到好勁蒜茸味, 點埋牛油又覺得好膩… 好玩嘅成份居多~::: 香蔥溫泉玉子飯 ::: $25喺日本米飯上面鋪上大量香脆紫菜, 再加上一隻大大嘅半熟蛋~ 看似普普通通嘅一個飯,簡簡單單嘅配料已經好足夠! 飯粒用上珍珠米去煮, 食得出香甜軟糯. 紫菜夠乾身脆口略帶鹹味, 正好為飯粒當作天然調味料. 最後要講嘅係雞蛋! Si
::: 腹胸肉 :: $49腹胸肉算係呢度除咗牛肋肉以外嘅名物~ 亦係我覺得最抵食品質最好嘅一款牛肉! 之前食過牛肋肉覺得肉質比較韌, 反而切得比較厚嘅腹胸肉仲比較嫩口~ 可能佢厚d肥d, 燒完之後肉汁都多d! 不過雖然d牛醃料唔算重, 但都唔係好濃牛味.
::: 蒜香牛油一口牛 ::: $49呢個一口牛顧名思義就係加入蒜茸去調味嘅牛粒~ 牛油再另錫紙兜上, 等你燒牛時再將兜牛油放上烤爐熱溶, 用嚟蘸牛粒食. 一口牛其實都幾蝦人燒, 中間好難熟, 燒得耐又會韌. 又唔係食到好勁蒜茸味, 點埋牛油又覺得好膩… 好玩嘅成份居多~
::: 香蔥溫泉玉子飯 ::: $25喺日本米飯上面鋪上大量香脆紫菜, 再加上一隻大大嘅半熟蛋~ 看似普普通通嘅一個飯,簡簡單單嘅配料已經好足夠! 飯粒用上珍珠米去煮, 食得出香甜軟糯. 紫菜夠乾身脆口略帶鹹味, 正好為飯粒當作天然調味料. 最後要講嘅係雞蛋! Size比普通蛋稍大, 蛋白嫩滑, 蛋黃稠杰濃郁~ 撈飯份量啱啱好! 好好味! 嚟牛角必食!
::: 野菜盛合 ::: $39份量少咗d, 不過種類都幾豐富~ 有洋蔥、粟米、冬菇、雞脾菇、南瓜同露筍. 都ok新鮮~ 除咗南瓜好難燒得軟之外, 其他都幾好味~
::: 雪糕銅鑼燒 ::: $19呢度又一必食推介! 有雲呢拿同綠茶兩款口味~ 以爐火將燒餅每邊微烘至脆, 而內裡夾著嘅雪糕則仍然保持冰凍~ 如此雙重冰火口感正是佢奇妙之處~ 初頭好驚會烘溶中間d雪糕架, 但原來佢入面真係雪得好冰凍! 待外層嘅燒餅烘得香脆嘅時候, 中間d 雪糕啱啱軟化少許~ 真係一個好玩又好食嘅甜品!
食過兩次牛角, 佢d價錢係真係比正宗日式烤肉平… 不過老實講又唔係真係平咁多, 質素又只屬平平~ 如果只享受燒烤樂嘅話嚟玩下都可以, 但想食好味d嘅烤肉, 可能都寧願比貴少少食好d喇.张贴
