影片
更多
2021-07-27
350 浏览
朋友話有間新開嘅私房菜好好食雖然比較少去大角咀 但係難得朋友咁多好評梗係去試吓位置都好方便旺角站行大概10分鐘就到醬瓜小紅茄用咗日本萬字醬油，油浸二十四小時，小紅茄搣咗皮之後，用話梅浸四個鐘，所以蕃茄除咗甜甜地嘅味道之外，一咬入去仲有話梅滲透味出嚟。羊肚菌菊花羹呢個不得了完全係功夫菜 咁靚成朵菊花嘅係咩嚟 其實係一舊滑豆腐 仲要唔係硬豆腐嗰隻一刀一刀咁樣切出嚟 完全係手工嚟㗎 好考師傅嘅刀工 只要郁一郁個碗 就好似仙女山花咁靚🤩唔係淨係睇得仲食得 湯都非常之唔錯 先用清雞湯燉羊肚菌 湯充滿菌菇味 另外湯嘅底部有蒸雞蛋同埋鵝肝粒 類似茶蒸碗嘅概念呢個湯無論刀工定係味道 都係值得一試梅菜素扣肉次次食中菜都會叫啲炒青菜 但係又覺得唔抵食 但係又想食啲素菜中和下店員就介紹呢個偽梅菜扣肉扣肉係冬瓜片整成 用惠州梅菜一齊煮15分鐘 冬瓜朔晒啲汁 除咗口感比較林啲 其實都真係幾似梅菜扣肉嘅味㗎淮揚炒飯呢個炒飯我比一百分 真係食過最好食嘅炒飯之一 首先粒粒分明 另外好重好重蛋香再加埋雞蛋整到一絲絲 令到成個口感豐富咗好多炒飯仲用咗好多材料，所有材料整成一細粒，唔會話某個材料搶咗炒飯嘅蛋香味，例如有冬
雖然比較少去大角咀 但係難得朋友咁多好評
梗係去試吓
位置都好方便旺角站行大概10分鐘就到
醬瓜小紅茄
用咗日本萬字醬油，油浸二十四小時，
小紅茄搣咗皮之後，用話梅浸四個鐘，所以蕃茄除咗甜甜地嘅味道之外，一咬入去仲有話梅滲透味出嚟。
羊肚菌菊花羹
呢個不得了完全係功夫菜 咁靚成朵菊花嘅係咩嚟 其實係一舊滑豆腐 仲要唔係硬豆腐嗰隻
一刀一刀咁樣切出嚟 完全係手工嚟㗎 好考師傅嘅刀工 只要郁一郁個碗 就好似仙女山花咁靚🤩
唔係淨係睇得仲食得
湯都非常之唔錯 先用清雞湯燉羊肚菌
湯充滿菌菇味
另外湯嘅底部有蒸雞蛋
同埋鵝肝粒 類似茶蒸碗嘅概念
呢個湯無論刀工定係味道 都係值得一試
梅菜素扣肉
次次食中菜都會叫啲炒青菜
但係又覺得唔抵食 但係又想食啲素菜中和下
店員就介紹呢個偽梅菜扣肉
扣肉係冬瓜片整成 用惠州梅菜一齊煮15分鐘 冬瓜朔晒啲汁 除咗口感比較林啲 其實都真係幾似梅菜扣肉嘅味㗎
淮揚炒飯
呢個炒飯我比一百分 真係食過最好食嘅炒飯之一
首先粒粒分明 另外好重好重蛋香
再加埋雞蛋整到一絲絲 令到成個口感豐富咗好多
炒飯仲用咗好多材料，所有材料整成一細粒，唔會話某個材料搶咗炒飯嘅蛋香味，例如有
冬菇，瑤柱 蝦粒 叉燒 雞肉，火腿茸，蛋絲，馬蹄同蔥白 成個精華完全係個蛋香度 再加上勁足料嘅食材100%會encore嘅炒飯
重申次 最重要係蛋香😍😍😍一流
呢間有少少似私房菜嘅酒筷子，每個菜式都唔貴，仲要係算係平民價嘅精緻中菜，絕對值得一試，同埋真心有驚喜，最緊要價錢超親民！每樣餸都好食，間唔中都會有驚喜🥰
张贴
