影片
更多
2006-05-14
6 浏览
落銅鑼灣度身造襯衫，之後又有會要開，食飯時間得番半個鐘，要拿拿林搞掂。想去池記吃新鮮坑腩，路經此地，見個咖哩午餐平平地，只賣28蚊又無加一，就行兩層樓梯來試試。呢度都幾整潔，又夠光猛，仲有無線電視睇，感覺又不太差。見佢有Korma，就捨Masala要了個Lamb Korma。食物轉頭就來，不用問都知是一大盤整定，盛起來就拿出來。先吃Korma，此一味是用腰果煮的，應該是濃濃又幼滑，完全不辣又帶點腰果香味才是。這裡的卻是微微辣，有香草香味但完全不覺有腰果，唔係好對辦，說是Masala也可以。不過也是，30蚊唔使，可能佢又唔會太認真，認真的做，也未必有客人懂吃。況且當普通咖哩吃，味道是不錯的；羊腩有點硬，但都有點臊味，交了功課；Naan色水白矇矇的，又薄薄的，不太夠熱，吃落脆脆的，沒有naan應有的口感。好在佢個Korma汁夠多，醮汁吃起上來，不算很差。加7蚊要了杯Lassi，反而又大杯好味，幾抵飲。如果不喜歡Lassi，同一價錢可選Masala Tea。兩位本地伙記，加一位印巴籍侍應，服務都幾好，態度又不錯的。埋單35蚊，雖然味道品質不算高，但平平地食咖哩，算係咁。
呢度都幾整潔，又夠光猛，仲有無線電視睇，感覺又不太差。見佢有Korma，就捨Masala要了個Lamb Korma。
食物轉頭就來，不用問都知是一大盤整定，盛起來就拿出來。先吃Korma，此一味是用腰果煮的，應該是濃濃又幼滑，完全不辣又帶點腰果香味才是。這裡的卻是微微辣，有香草香味但完全不覺有腰果，唔係好對辦，說是Masala也可以。不過也是，30蚊唔使，可能佢又唔會太認真，認真的做，也未必有客人懂吃。況且當普通咖哩吃，味道是不錯的；羊腩有點硬，但都有點臊味，交了功課；Naan色水白矇矇的，又薄薄的，不太夠熱，吃落脆脆的，沒有naan應有的口感。好在佢個Korma汁夠多，醮汁吃起上來，不算很差。
加7蚊要了杯Lassi，反而又大杯好味，幾抵飲。如果不喜歡Lassi，同一價錢可選Masala Tea。
兩位本地伙記，加一位印巴籍侍應，服務都幾好，態度又不錯的。
埋單35蚊，雖然味道品質不算高，但平平地食咖哩，算係咁。
张贴
