包點超人 (成安街) (已結業)

有時都會好忙要食下頹飯，平平哋買個外賣返屋企食又唔使等就最好啦！包點超人嘅蒸飯$22，學生午餐優惠仲有飲品送，通常係檸檬茶同菊花茶二揀一。而我通常就$22飯加多$11要多個點心，通常食鳳爪排骨飯加雞扎，又或者北菇雞飯加燒賣，Total$33蚊食個豐富頹飯算係咁啦。不過佢啲料又真係麻麻哋，排骨冇乜肉，雞啲皮又肥，如果唔係就手我都未必喺度買。相比起其他賣蒸飯嘅連鎖店，呢間係差少少，勝在啲點心選擇多啲，因為佢仲會有煎釀三寶、煎堆、炒米粉等等嘅小食揀。