包點超人 (成安街) (已結業)

尋日突然間話要壽包做生日🎂好多店舖都要預早兩三日以上訂😞我搵咗好耐，之後好好彩上網睇到包點超人有壽包，查詢一下之後佢話可以做到今日落訂聽日就拎得😭👍🏻👍🏻壽包都幾靚❤️👍🏻整得好好，味道方面都唔差😋唔太甜，蒸返熱嚟食個麵包都好軟熟🍑價錢方面合理$288，重點係可以做到今日落訂聽日就拎得🥰服務態度同質素冇網上講到咁差，其實態度唔差嘅，可能因為太繁忙。送比長輩就最適合不過👍🏻必送首選❤️

食物可以，價錢化算，間中都會買來做早餐吃雖然店員姐姐禮貌一般，但以這種小店來話是可以接受。但今次不吐不快😤去買菜肉包一個，店員姐姐隨手攞咗#一團#膠袋打開就袋起我買的菜肉包，我接了打開睇吓，見到皺晒的二手膠袋裏面有少量其他的食物碎😳我立刻向她反映，她不斷反駁：膠袋係新的，因為之前攞多咗一個，所以皺，我哋係唔會用到膠袋㗎！我趕住班巴士，冇再同佢爭拗，有圖有真相😤

有時都會好忙要食下頹飯，平平哋買個外賣返屋企食又唔使等就最好啦！包點超人嘅蒸飯$22，學生午餐優惠仲有飲品送，通常係檸檬茶同菊花茶二揀一。而我通常就$22飯加多$11要多個點心，通常食鳳爪排骨飯加雞扎，又或者北菇雞飯加燒賣，Total$33蚊食個豐富頹飯算係咁啦。不過佢啲料又真係麻麻哋，排骨冇乜肉，雞啲皮又肥，如果唔係就手我都未必喺度買。相比起其他賣蒸飯嘅連鎖店，呢間係差少少，勝在啲點心選擇多啲，因為佢仲會有煎釀三寶、煎堆、炒米粉等等嘅小食揀。

每一次都會點燒賣，一份有4顆，又大顆，又足料，不用加醬料已經很好吃。這次除了燒賣再點了蝦餃，一份有3顆，皮有一點厚，也算不錯。其他點心包括鳳爪，排骨，雞扎，粉果等等，還有包子，燉湯，選擇挺多的，而且開得很晚，所以很多街坊也會來光顧。

包點超人~一直都係我心中理想嘅食店，因為呢度嘅食品種類繁多，而且價錢又正合我意，呢度有好多嘅點心~燒賣/牛肉/粉果/鳳爪排骨等，各式盅頭飯$22元，香茜粉果$15元4隻，糯米雞$20元一隻，不過最令我驚喜嘅就係糯米雞，實在太大隻，餡料又豐富，好食又抵食！個糯米雞真係成隻手掌咁大，真係不得了！

之前試過這間店舖的點心， 味道不錯，價錢便宜 ，26蚊便有兩盒點心，每款有四件，超級抵!見到他們有售賣凍餃，18蚊一打，便買了招牌餃子試試看。餃子屬於正常大小，但餡料的部分漲卜卜，水煮已經很夠味道，餡料有椰菜及豬肉，份量平均，第一口咬下去有驚喜，有種香甜的感覺，不用再添加任何醬汁，味道也十分足夠。當然，店舖亦送上一盒醬汁，用作點餃子之用 。但吃完餃子後，感覺有點口渴，似乎加了味精，若對味精敏感的朋友，可能便不適合了。

有時好像食點心但又唔想去酒樓飲茶既時候，外賣點心店就滿足到我！點心十分多選擇，無論係蒸點定係炸點都好多，見到邊款吸引就同姐姐講要邊款。而且兩樣點心有優惠，26蚊兩款。價錢係超抵啊，係茶樓永遠都唔會有咁平，而且十分大份！炸點都十分吸引，而且好多款，十蚊就有兩件，買八件先26蚊咋！揀左燒賣，鳳爪，鮮竹卷，牛肉球，鹹水角，煎堆。蒸既點心每樣都幾好味，而且唔會覺得好多味精，食完好口渴。炸點就差小小，因為始終唔係新鮮炸出黎，炸野放耐左都會冇咁好食，但絕對唔難食啊！而且好大舊！鹹水角入面好足料！煎堆入面係豆沙餡！

疯狂打call 吃过的觉得最好吃的烧麦！！！家就住在附近，离地铁口也很近。真的好好吃啊，平均隔一天就要买一次，并且只要晚上晚上要熬夜了，就会买了当宵夜。我不会说粤语，但是阿姨人也好好，都尽量跟我讲普通话，真的很亲切啊。价钱也不贵，简直nice到不行！店铺虽然不大，但是很干净，光顾的大多是老客户，不会像游客区的一些店面，华而不实。我感觉所有的都好吃，因为基本都吃过，但是不知道名字，每次去了就指指指，最喜欢的是烧麦和鸡爪，哈哈哈，强烈推荐大家去试一试！

呢度係正街市，成日見好多人推滿門口，有飯有點心有飽點，人氣旺，勝在大大件，新鮮出爐，價廉物美。連續兩日吾想煮，又想食個熱辣辣飯，走去買飯，所有蒸飯$22，可以加$10有多1個點心，蒸飯做午飯已經好夠飽，我先後叫左土魷肉餅和糯米飯。肉餅鬆化滑嫩，吾肥夠健康，土魷馬提有鮮味，也增加口感。飯粒飽滿夠分明。加上小小醬油，很滿足的一個午飯。糯米飯，臘味夠多，偏瘦有肉吾油膩，糯米夠水份飽滿吾嚡口，加埋蔥花脆炸花生，口感倍有層次，大大盒冬天街坊暖肚首選。我也有買炸菜肉絲包，經常火速售罄，所有包點極大個，比男仕拳頭還要大，只售$5。平日見很多媽媽排隊買飽，也有不少長者掃貨。

以前想嘆一盅兩件要等到假日, 現在外賣包點店越開越多, 就是要方便我地忙碌既香港人此店開了數個月, 店內是廚房由廚師現場製作,大部分酒樓有既點心呢到都有今早買了粉果做早餐, 點心一款$14, 2款$26, 呢到既粉果size比起酒樓大, 入面主要有沙葛/花生/韮菜為主, 豬肉碎同蝦米好似唔覺有, 好夠味, 不過粉果皮就厚左少少. 咁既價錢咁大粒, 出面應該食唔到