自家烏冬 (已結業)

睇完波，當然要食飯啦！係北京道睇完波，都唔知食乜好，有朋友話食過呢間都算OK，見唔使等位，就坐低試下。我地3個人各自叫左自己想食既烏冬，分別係韓風海鮮泡菜烏冬、咖喱吉列豬扒湯烏冬同埋天婦羅烏冬，三個我覺得最抵食係天婦羅！因為係新鮮炸起的！個蝦都唔錯呢！我自己就食咖喱吉列豬扒湯烏冬，個湯比我想像中杰，有點似撈烏冬咁，感覺幾新鮮，咖喱汁都算香，烏冬就屬一般好少少既水平，唔算特別彈牙，不過唔會黏牙~ 個豬扒既皮都幾薄，不過唔夠鬆軟，有待改進~不過每人$50有咁舒服既環境同OK既食物，晚餐黎講算係唔錯了