鍾菜 (已結業)

平安夜的市區到處都十分熱鬧，但赤柱就十分寧靜。 七點去到鍾菜都係得兩檯人。 第一次食鍾菜，本身以為係好貴個D價錢，但其實同出面酒樓差唔多，原來佢都係稻香集團旗下。

我地六個人叫左一個三百幾蚊餐，有炒 龍躉 ，浸豆苗，炸子雞半隻。 再叫隻BB豬，椒鹽鮮魷，咕嚕雞球。

炸子雞&椒鹽鮮魷

椒鹽鮮魷

BB豬

BB 豬夠嫩夠脆，無乜肥膏，唔似平時食成大隻燒豬有成寸厚肥肉，又無果陣豬臭味。

椒鹽鮮魷都唔錯，脆漿好薄，椒鹽味道都岩岩好

炸子雞同咕嚕雞球都係一貫酒樓水準，都係咁嘅味。

我最愛食豆苗，上湯浸同炒都得，都唔會難食，唔使講

沙巴龍躉都係第一次食，佢起左肉來炒四季豆，好方便食，第一次食依隻魚嘅味道，都不錯呀