鍾菜 (已結業) 查看

好味道 啲嘢勁大碟尤其係嗰隻龍蝦伊麵上枱嗰刻 真係想哇一聲出面啲中菜館通常都係得呢個份量嘅一半價錢合理服務又一流午餐喺鑽石山荷里活廣場食完一餐谷鬼氣之後好彩呢餐食完cover曬有突 我同老公都食得好開心啲嘢食有質素 分量又大件 啲service又好連碟啫啫炒通菜都好大兜碟燒鵝又係好好食 分量又大碟加分位: 個沖茶嗰個水壺好得意, 好先進好衛生嗰啲茶葉係獨立包裝,自己放入去下次入嚟赤柱都一定會揀呢間推介推介🌟🌟🌟.......

假期就梗係想飲下茶，所以就去咗鍾菜，估唔到而家又酒樓竟然係11點先至開門，相信真係唔優做，入到去，超過40張枱但係好似得2個樓面，雖然都係自助落單，但係整體點心都只係正常發揮，不過價錢就一啲都唔抵，點心全部都$38起跳，仲要未計+1茶界。最嬲係叫咗一個海鮮蒸飯，望落去其實都唔錯，調味都OK，但係所有魚都係刺身級生🥲 我哋同行仲有比BB食🫠🫠🫠🫠 真係擔心。 椰香蒸饅頭 安蝦咸水角XO醬炒腸粉山竹牛肉球金勾蒸娃娃菜鮮蝦脆雲吞蜆芥炸鯪魚球懷舊滑雞春卷（3件）黑椒金錢肚下次應該都唔敢嚟🥲🥲

今年因為疫情關係，已經好耐無出過去堂食，而家舒緩些少，閉關咁耐，係時候出關透透氣。今日天氣唔錯，陽光唔算太猛烈，下晝同朋友嚟到赤柱行下，咁耐無嚟，大街靜咗好多，平日更加唔多人。黃昏時分，去海邊吹下海風，欣賞週圍大自然環境，真係幾舒服。之後，我哋去咗赤柱廣場三樓嘅鍾菜食晚飯。鍾菜係稻香集團旗下嘅一個比較高級嘅中菜館，價錢當然貴幾倍。我哋首先掃安心出行，再出示針咭先可入去。裏面環境可以，安排我哋坐兩人卡位，唔可以食住欣賞風景。平晚食客唔多，都幾清靜，相對侍應招呼亦唔算週到熱情。小桌上有個自動加水機，侍應俾咗包茶葉我哋，自己加入去個茶壺，屬自助形式，照收加一服務費。我哋兩個人揀咗新鮮菠蘿咕嚕肉同勝瓜雲耳炒雞球。菠蘿殼裝住啲咕嚕肉，旁邊係一片片嘅菠蘿肉，算係幾有特色，新鮮菠蘿做賣點，賣相係靚，但食落個咕嚕肉偏甜，肉又唔脆，菠蘿有幾塊好酸。創意食味揾隻超大嘅碟去上菜，餸就得少少，基本上符合少油少鹽要求，但食味又係一般。總結食物祇係一般，唔算特別出色，所以最後我哋都無叫飯後甜品。

同長輩係赤柱行完山，陪佢地去飲茶。赤柱選擇都無咩，於是去左廣場入面既鐘菜飲茶。坐得舒服，又可以睇下海景休息下，最欣賞就係台隔離有個自動加水，嘆茶唔使下下叫阿姐加水。野食都幾有創意，特別係招牌既冰鎮姑老肉。墊底下既冰令肉外面既脆皮包漿更脆，不過缺點就係如果唔一上菜就食曬，d肉好快就會凍，而凍左既肉真係唔好食。至於點心方面，同一般酒樓食既款式差別唔大，味道都唔錯，選擇都多既。最後埋單人均百幾，都算抵食。

聖誕節快到 赤柱有聖誕市集 便來逛逛 晚飯去了赤柱廣場內這店吃 屬於稻香集團 裝修中西結合 景觀開揚 廚房是開放式 在中式酒樓是很少見的菜式選擇不算多 因大家都不想吃飯 便要了鮑汁花膠炆伊麵 鮑汁味道濃而不鹹 花膠雖然細片但不少 配上雜菇 不錯一字叉燒 用鑊仔配小火送上 造型突出 特別欣賞配菜是蜜豆 在現時已很少見 是傳統酒樓才會有 叉燒蜜汁豐富 肉質軟冇筋 稍嫌沒有焦燶香味啫啫芥蘭煲 內有蝦乾 蝦醬味香 芥蘭很嫩最欣賞的是鮮菠蘿咕嚕肉 漿粉很薄 外脆內軟 甜酸汁味道剛剛好只是服務員較少 很難找到 這是稻香集團名下食肆的一個常見現象🙄

首先，可能係我大鄕里，一入到去見到每枱一架自動煲水機，覺得很新奇有趣😂若論食物，點心 ok，炒嘢就一般，絕對談不上鑊氣，不過就好大碟。人手嚴重不足，個個伙記都快手快腳密密做，幸好服務態度還算不錯。

入到來先知原來是集團式經營，有廣東點心，有潮州菜，兩者都一試。燒賣好食，唔多肥豬肉。加了蟲草花，我覺的太甜。炒麵夠脆。炸雲吞幾靚，味道唔錯。沙律醬已鋪面，唔洗爭。

這是稻香 位於 赤柱的一間菜館。價錢畀其他的稻香貴 30％至40％，但可以理解，因為在赤柱。但沒有供給任何服務， 為什麼 要 給加一服務費。🙁入座沒有人帶位…… 門口的職員 給你一包茶葉後便指給你座位的方向，你自己行去找。😐 自己沖茶 加水 ……你坐下還未回得雲，就有一職員粗聲粗氣好快話他們的所謂智能水壺怎樣用。 聽慢些少就弊。😐 點心自己手機落，……我的長者朋友說，自己飲茶就麻煩喇，唔使食。 不過這都是大勢所需， 無論什麼年紀 都要與時並進。😐 埋單……自己出門口卑錢。擺明係加價搶錢，我情願去標明價係貴就貴。😐 我是平日的十一二點去，本來人不人，但係好嘈， 環境是好， 但真係嘈到傾唔到計 。我朋友話衰過市區 啲茶樓。 可能夏天窗門全 關上， 開冷氣， 裝修物料不吸音，所以人多又 大聲說話時 就覺得好嘈好煩擾。😐 點心ok不過不失 可以過得去。再者…… 我覺得近期香港的飲食服務行業質素有下降的趨勢。 最近去 一個月 遇到三次：1） 在將軍澳一間稍為高檔的中菜館 ，以前服務員是用心口的咪同同事 溝通. 現在他們大聲從這便角落大聲嗌去別一邊的同事溝通， 好像在大排檔。2) 在觀塘一 商場

星期天的早上 網上搜尋 見到赤柱廣場開了（鍾菜）屬於稻香集團 其實這集團給我的印象很一般 反正無聊 試下亦無妨到達時是早上11.30 一進入就有良好的感覺 西式的佈局 顏色清雅 窗明几淨 十分開揚 有自助冲茶工具 包括入水 溫度顯示 保溫 全程由客人自己操作 下單也是用掃描 所以店內十分清靜 是品茶的好地方 另厨房是半開放式 客人可以觀賞廚師在工作 衛生情況一目了然我們2人點了煎蘿蔔糕 煎得很香 蘿蔔粒粒分明 蝦餃稍嫌皮厚了一點 原蝦蟹子燒賣就味道很好 大蝦叉燒炒飯 叉燒很多 蝦很大隻及爽口 配上菜粒 好味又大碟 如果油少一點會更完美總括來説 這店是稻香集團的高級版 相比之下價錢雖然貴一些 但是值的

來到梗係試下唔同嘢食，赤柱鍾菜環境舒適，招呼周到，食物味道佳。今日三個人都食左好多嘢，鹽焗雞半隻、咕嚕肉、西檸魚枊、粟米豆腐湯、泰式千層糕等。講到最特別就係涼伴前菜，口感一流；隻雞到好滑，唔太肥😋😋😋；咕嚕肉啲肉裏面無肥豬肉，食材真係揀過來，值得一讚👍🏻👍🏻👍🏻；西檸柚子魚柳係真超正，尤其是個汁😋😋😋，泰式千層糕唔太甜，我就中意這個味道，侍應招呼都很好👍🏻，有傾有講大家互相交流🥂

最好的一次食飯經歷！上週日在赤柱這家店和姐妹聚餐，臨走居然忘記帶走錢包！一直到晚上才發現，趕緊打電話給餐廳，好彩當日值班的餐廳工作人員記得我，一聽見我說丟錢包立刻就說我記得你，快回來拿吧！後來就很順利拿回了錢包！真的超級感謝那天的工作人員，一個是撿到我錢包的小哥哥，一個是前台收銀的小姊姊！真心謝謝你們！另外就是食物推薦啦！蝦餃，乾炒牛河，虎皮尖椒，春捲都好好食，份量很足，兩個人吃都有點吃不完！總之非常推薦！地點就在赤柱廣場扶手電梯下樓左手邊

整個七丶八月都十分之忙碌，一踏入九月立即放假一天，去赤柱走走。每次行過鍾菜都見門口很多人排隊，見今天無人，即刻入嚟試試。店舖環境舒服，枱與枱之間相隔一段距離。其自助補水系統，是其集團的一大特色，方便。落單也全自動化，先掃枱上QR code，然後自己揀選食物。👍🏻 不過點心選擇不算多，兼侍者態度不太友善。因時間尚早，不太肚餓，只叫了五個點心。第一個是蜜味炸芥茉脆蟹鉗（$21-），外表炸得香脆，內裏薯蓉有少少芥茉味，但卻食不出蟹肉或海鮮味，有點名不符實。☹️蜆介炸鯪魚球（$24-）上枱已覺樣子麻麻，好似炸得過火了。咬落竟然只有咸味，無魚味亦不彈牙，完全不合格。👎🏻👎🏻👎🏻我們每人一隻原隻燒賣王（@$14-），雖然賣相ok，食落卻也不好味。豬肉有點咸，蝦亦不見得新鮮，燒賣皮也有點離身。👎🏻萌萌流沙包（$21-）算是幾個點心中較為有水凖的一個。它的樣子可愛，啡色眼鏡及咀都是朱古力做，與甜包夾配。可惜內裏流沙餡不算多，亦不流心。幸而味道ok，甜度適中，有少少咸蛋香。👍🏻最后，它的茶因不是茶包，頗香。總結而言，不會再來。

我們二人今天中午消費了361元，點了以下點心。要評分的話，我們會評「負五分」！1）賣相似魚旦的冰鎮咕嚕肉（$108），食落去時，你會發覺它的生粉遠遠超過豬肉。另外，咕嚕肉常見的菠蘿變咗罐頭的桃。2）沒有汁的棉花雞（$40），所有雞肉好實咁癡埋晒一齊。3）沒有湯的小籠包（$10/粒），乾身。4）不是金黃色的炸雲吞，是overcooked啡色的，雲吞周邊亦沒有期待的脆皮，初時仲以為自己點錯咗炸蝦角。5）無咩叉燒的叉燒包。6）唔脆的炸魷魚鬚（約$68）。7）稍為正常的蝦餃。已經好耐無寫食評，一般的點心已沒有影相的衝動（當時沒有想到要在此出post）。但今餐實在太差，唔寫唔得！

住响度咁耐都冇嚟食過一次，今日想食义燒包便斗胆嚟試吓中午茶...正午落到嚟仲有位，要用手機落單好似幾先進，唔理佢係因為環保定慳人手... 点了蝦餃燒賣排骨义燒包春卷煎腸粉珍珠雞... 除了蝦餃及春卷比較美味外，其餘的点心都渣到唔恨，义燒包其中一件係冇义燒的，珍珠雞內只有珍珠的米冇雞，排骨冇味!收我咁嘅價錢俾d咁嘅貨色我... 擺明就係呃鬼佬的! 結賬時我老細看完我付款，然後眼神及表情像對我說: 唔係吖麻，咁貴食D咁嘢？ 唉，我們去食金拱橋好過啦!😓😓😓

最近疫情嚴重， 為咗避免去人多擠逼嘅地方， 今次去咗赤柱， 因為有老人家一齊， 所以要食中菜，我哋去咗鍾菜飲茶， 呢間係用電腦素描QR code入單嘅， 環境都好好， 開係半開揚， 廚房都係開放式， 裝修好靚， 之前都嚟過兩三次， 今日我哋試咗新年菜式， 發財好市燒賣， 蝦仁炒烏冬， 仲有個公仔流沙包，呢幾道點心都唔錯，不過佢個芋頭煎餅比較油少少，有改善空間， 之前幾次多數星期六日去咗好多人， 所以每一次都係打電話去訂咗位先， 今日都係訂咗位，好快就安排到入座， 佢雖然得好少侍應，不過服務都ok