壹火鍋

营业中

休息中

又想食刺身又想食火鍋，好彩壹火鍋可以滿足我2個願望。我地2個人加錢就可以要個放題刺身，選擇又多，必加三文魚好新鮮，甜蝦又爽又彈牙，螺片仲有鮮甜的海水味，非常新鮮個盤上碟仲會發光，視覺享受一流。火鍋料都好多選擇，我地加錢叫左個海鮮鍋，入面有長腳蟹，青口，海蝦等等，成個鍋好鮮好甜。只係食哂呢個鍋都已經好滿足，果然又大份又抵食任食之下，我地點了肥牛，肉質鮮嫩，牛栢葉就好爽，粉腸又新鮮，花膠就好爽口，絕對物超所值。叫到成枱都係食物，好彩我地坐卡位，環境又好，所以都好舒服總括黎講，價錢實惠，而且又有貴既食材食，如花膠，長腳蟹等，真係物超所值！