千盛 (已結業)

何文田同旺角交界有間隱世既小店，呢度裝修唔會譁世取寵，簡簡單單既日本裝飾🇯🇵，但入面主打高質和牛， 188蚊就有得食藤彩牛壽喜燒，超吸引呀！藤彩牛係日本熊本縣有限出口既A5黑毛和牛🥩，估唔到呢度都有得食。肉既油花分佈均勻細緻，浸入甜甜既醬汁滾一陣，入口滑而不膩，和牛香氣充滿口腔，真係好正😍！7大塊和牛加埋配菜同入曬味既烏冬，都幾飽肚架。呢度仲有好多唔同嘅定食同埋丼飯選擇，用嘅肉好多都係來自日本熊本！《熊本和牛拼熊本豚肉丼》可以一次過滿足兩個願望 🐄🐖🍚，豚肉燒得香口之餘，咬落完全唔會有渣；和唔使講一樣咁出色！😋我地見串燒都好多人叫，所以叫左《厚燒鱔片》《蒜蓉燒蠔》《厚切牛舌》試下。整體都唔錯，調味適中唔會搶左本身食材既鮮味，任叫都唔會伏😂