石之烏冬 (已結業)

一直都對石頭鍋烏冬情有獨鍾~自從試過旺角嗰間“火山石”之後，成日都想去食~好似上左癮咁~因為鍾意食到尾都仲暖ge感覺~~今次唔去旺角~去近近哋嘅深水埗搵野食，本來諗住試吓嗰間“隱家拉麵工場”，不過佢已經賣晒lu~唯有下次再試過~之後就直接上去food court搵野食~最後都係選返依間“石之烏冬”，之前試過唔錯，本來諗住食返上次嗰個蜆肉烏冬，不過已經賣晒lu~見店主極力推介牛肉烏冬，今次就試佢啦~朋友就選左炸蝦烏冬~牛肉烏冬都唔錯，配合泡菜湯底，味道唔會太單調，牛肉可以自行選擇生熟程度，朋友的炸蝦就炸得有少少硬，不過依個價錢食到石頭鍋烏冬~真係值得一試再試！！學生仲有雪糕送㗎！如果想試下蜆肉烏冬，就早d去~機會較大~~值得一提嘅係~店主超好客，如果唔多人~仲會拎過黎俾我哋^^（當然近佢舖頭先會啦！）