石之烏冬 (已結業)

深水埗真係好多嘢食 但我幾鍾意去西九龍中心覓食 雖然環境唔太靚  但講真佢個價錢真係好平民 選擇又好多 仲要味道好唔錯！ 因為我推介嘅呢一間石之烏冬。每一次係到食都會見到好多人食佢既石鍋烏冬 但就一直未試過 所以今日我就試下佢啦特濃豬骨湯底牛肉烏冬$43第一啖湯就飲到係真材實料嘅豬骨湯底 好濃郁 加埋海帶 真係奶白鮮香！好飲到係飲哂成碗湯咁制。烏冬好彈牙，都唔錯！牛肉係肥牛 唔係薄片 幾韌既 幾難咬 同埋偏瘦 不過好有牛味 。蛋想做流心 但係太熟 。食到最後嗰石鍋仲係暖暖地㗎！正！呢個價錢佢仲包埋紙包嘢飲，整體呢講依一間我覺得咁既價錢咁既質素 係好難得！一定會再去食。十分推薦！

西九龍中心的 food court，我永遠都覺得這是一個臥虎藏龍的地方，幾乎每一次來都會找到小驚喜。這一次來，慣例先去行一圈，看看有什麼新店。結果就出現了一間標榜食石鍋烏冬的店，看見食客端走一鍋鍋滾熱辣的烏冬麵，甚是滿足。我就決定來一鍋《石の烏冬》。我要的一份，是肥腩片烏冬。熱辣辣的湯底，是濃厚的豬骨湯。烏冬連湯，全程都是滾熱辣的，豬骨味尚算濃香，烏冬就煙韌可口，豬腩肉片充滿肉香。這一晚，熱辣辣地吃著這烏冬，真的想大叫 ya ya!當日，天氣尚算冷，熱乎乎地吞下這烏冬，十分舒暢。西九龍中心的 food court，又有一顆新星。

作為深水埗居民我有一個目標，就係食云全深水埗嘅美食，深水埗啲嘢又平又好食，呢個就係我搬過嚟深水埗嘅其中一個原因，今日上到西九龍中心8樓見到間石鍋烏冬舖頭，見平平地就坐低食個下午茶。石鍋烏冬都係三十幾至四十幾蚊碗咋，咁平邊度搵。。呢個係叉燒烏冬，揀左特濃豬骨湯底，叉燒比較瘦同埋硬身，我就比較鍾意半肥瘦叉燒多啲喇，因為叉燒太瘦口感比較鞋，同埋煮得未夠林，不過湯底搭救。而呢一個就係吉列蝦烏冬，吉列蝦金黃香脆，新鮮就一定唔係新鮮㗎啦，不過都好好味，即叫即炸，比其他日本料理收成$80碗嘅石鍋烏冬咁好食，我都係揀咗特濃豬骨湯底，清甜奶白色，唔會太咸而且豬骨味的確幾濃，配料有粟米，雞蛋同海苔，而烏冬就用返正統稻庭烏冬，口感煙韌又滑溜！好味！罐裝飲品就加返兩蚊，紙包飲品就免費，兩碗烏冬埋單先$86，重點係好食！

​ 味道唔稱得上有任何特別，但係賣相實在絕讚，熱到辣手嘅石鍋入邊係澎湃洶湧嘅熊熊水波，源源不絕，非常過癮。🌊.更難得嘅係，依窩烏冬價錢只需要$33 ，仲有嘢飲送，實在係平絕香港，月底破產人士必食之選😆

今日去左西九龍中心食飯，見到有人食緊石鍋烏冬賣相幾好，我都跟住試下先，拎食物時，石鍋好熱見d湯仲滾緊，至於食物雖然唔講得上好新鮮，但都唔太差，價錢亦絕對平民價。

經常都見好多人都食哩間，個個拎住個石頭碗，我都好奇去買一碗試下，覺得餸就冇咩特別 都係d大路野，主角先係烏冬，吸晒d湯汁，我食親韓國野通常都好鐘意食吸晒汁既飯或麵。

在西九龍中心溜冰之後，發現了這間用 石鍋 上烏冬的烏冬店。本身對烏冬都有一些要求，很開心這個「石之烏冬」不是得個靚樣！我哋兩個人食，我叫了蜆肉烏冬，朋友叫了肥牛。蜆食倒知道是新鮮！朋友都話他的肥牛非常唔錯。朋友嘴刁也說材料新鮮。我哋仲叫咗炸芝士同埋炸蝦。滿足滿足。食飽落下一層商場行左個圈，enjoy這樣簡簡單單好relax. 修身的朋友應該會特別喜愛。因為烏冬一點也不油膩，感覺健康，有quota食炸蝦同炸芝士。仲有一提，我揀咗清湯，但係有其他幾種湯底選擇。係幾種！

西九龍food court 呢間店舖最大特色就係用石頭鍋上菜石頭鍋好傳熱所以食既時候小心熱呀今日叫左個豬骨湯豚肉烏冬$39 如果叫醬油湯泡菜湯仲平三蚊不過本人熱氣費事食辣野用石頭鍋好處係食好耐仲好熱正呢個價錢食個好足料烏冬正！抵食既

牛肉石頭鍋烏冬比想像好食.....小心石鍋好熱, 手唔好碰到...因為石鍋較耐熱, 要等凍一D先食到..有昆布, 蛋, 栗米等配料...牛肉脂肪較多...有幾款湯底選擇...原味湯底都唔錯...份量亦適中....下次會再試....

差不多行晒成層都搵唔到一間想食, 行都最尾先見到佢"石之烏冬", 見到個個拎住個熱騰騰的鍋, 即刻覺得好吸引, 所以要試一試.點了牛肉泡菜湯烏冬同蜆肉泡菜湯烏冬, 湯底唔會太辣, 但又有泡菜味, 牛肉同蜆都係正正常常, 冇咩意見, 烏冬就出面太淋, 入面就有少少韌, 似剛剛係雪櫃拎出黎, 即刻拎去煮咁, 不過都可以接受嘅~依個烏冬最特別係食到尾個鍋仲保持到溫度, 唔會咁快凍晒.

今日同朋友上左去food court搵野食見依間舖頭咁多人排隊買, 周圍又有好多人食緊, 即刻上openrice睇吓啲食評, 都好似唔錯, 就試吓佢啦!叫左兩個蜆肉烏冬, 一個配泡菜湯底, 另一個配豬骨湯底, 泡菜湯底嗰個, 拎到埋位, 已經滾到瀉, 想拎起啲餐具攪吓佢都趕唔切, 已經瀉左好多湯出黎, 不過難嘅得係食嘅時候都仲有好多湯, 至於另一款係豬骨湯底, 味道較淡, 但係朋友唔食辣, 所以冇得選擇....不過佢個碗竟然有9隻蜆, 而我個碗得6隻, 有啲唔公平喎!!

一直都對石頭鍋烏冬情有獨鍾~自從試過旺角嗰間“火山石”之後，成日都想去食~好似上左癮咁~因為鍾意食到尾都仲暖ge感覺~~今次唔去旺角~去近近哋嘅深水埗搵野食，本來諗住試吓嗰間“隱家拉麵工場”，不過佢已經賣晒lu~唯有下次再試過~之後就直接上去food court搵野食~最後都係選返依間“石之烏冬”，之前試過唔錯，本來諗住食返上次嗰個蜆肉烏冬，不過已經賣晒lu~見店主極力推介牛肉烏冬，今次就試佢啦~朋友就選左炸蝦烏冬~牛肉烏冬都唔錯，配合泡菜湯底，味道唔會太單調，牛肉可以自行選擇生熟程度，朋友的炸蝦就炸得有少少硬，不過依個價錢食到石頭鍋烏冬~真係值得一試再試！！學生仲有雪糕送㗎！如果想試下蜆肉烏冬，就早d去~機會較大~~值得一提嘅係~店主超好客，如果唔多人~仲會拎過黎俾我哋^^（當然近佢舖頭先會啦！）

今日(14-3-2014 Fri)男友突然話想出街食晚飯,而早前的o係團購買o左o係太子o既Bierhof o既二人晚餐,睇吓book唔book到位,如果book唔到,就去西九龍中心food court.到放工都收唔到Bierhof o既回覆,咁就去後者啦.同男友o黎到,我見到佢食過呢間o既石鍋飯有烏冬,於是叫佢買烏冬,然後其他由佢發辦,佢行完一圈後買埋其他o野後,就攞烏冬o黎.係熱騰騰o既豚肉湯烏冬,我等佢拎埋另一間o既o野o黎至開始食,一路都令我好熱,同埋我嗅到豬臊味.男友終於返o黎喇,我’了’起o黎食喇,只得半碗太少呢,男友話呢個要$37.00,而其實正常係$34.00,不過加底所以加$3.00.加o左底?,咁就叫加o左底啊?都幾貴喎.食吓先,成個豚肉烏冬都冇乜味,薄切豚肉一半係脂肪,烏冬口感平平,其他配料都正常吧,只係呢個一直都keep住好熱而已,好彩男友要佢另俾七味粉,唔食辣o既我都要加啲落去食至食到.環境分唔計入呢間店,而抵食係1.5分.

這間店是新開的。天氣凍凍地就買黎試下。價錢不貴。。42蚊吉烈豬扒烏冬加10蚊還有飲品和雪糕做甜品。。正。。吉烈豬扒一食就知到不是叫返黎的。。因為有肉汁不乾加埋QP。好食。個湯係最讃好濃。。我叫的豬骨湯。。他還有烏冬湯好地獄湯。。烏冬用的是巑崎。。店有寫。。不是掛羊頭賣狗肉。。好有心思。。石煱上好熱好熱我拿到回坐位等了幾分鍾還是好熱的。不以有些餐廳馬上食烏冬還是凍的。分量足夠我食。看得出好用心。食完還問我意見。。好好食直得一試。。會再去食。。

呢間日式烏冬店！一開頭望落去好似好貴錦！但係行到去門口望下個餐牌！又唔係好貴！一個肥牛烏冬都只不過賣38蚊！天婦羅仲扺！蝦天婦羅賣28蚊！個烏冬最扺死係用一個好熱ga石頭來在住！加埋d日式配料！d湯係個石頭到係錦滾！囉到埋位仲要等佢滾多成分鐘先食！我叫個烏冬湯係朱骨湯！食落去好夠朱骨味！宜d烏冬配料都好夠！扺死！哈哈！呢間野同出面d日式餐廳來比！可以話平！味道仲要好好食！去下都無妨！😁