玄鮨 (已結業)

上星期朋友問我幾時帶佢食海膽，所以今日就同閨蜜黎左玄鮨食omakase. 頭盤有一個汁煮鮑魚，味噌青瓜同芝麻醬蕃茄 🥰 鮑魚係類似日式鮑魚煮得好林 一咬就開 無牙都食得！好好味😋 之後就係日本生蠔 好大隻同新鮮 連d海水汁都好好味😛跟住有勁大塊帶子，估唔到仲要一人兩塊！之後就係一系列既深海魚刺身，佢地會用火槍燒一燒魚 等油脂味出d 同香d 再加上秘製醬汁配搭魚生 感覺特別同一流！唔小得仲有超大拖羅！跟住壽司有蝦膏甜蝦壽司🍣超正！仲有係北海道馬糞海膽！連紫菜都係日本空運過嚟 特別爽口彈牙 海膽無令我失望係超級無敵新鮮又甜！勁想瘋狂食呀！其實就咁都食到好飽，但仲有魚湯同日本水果，香印提子極甜！大慨係我呢一輩子食過最甜既提子😂下次可以再encore 😛 跟住原來呢排餐廳仲做緊折扣，都算抵食呀！