影片
更多
2016-03-31
739 浏览
去大排檔食西餐？今日男朋友想比小妹一個小驚喜慶祝我地嘅記念日。女人麻，都係喜歡被人寵的，所以男朋友就先講了個大話話帶我去大排檔吃晚飯！男朋友一早訂咗座，到大廈等𨋢個時，我仲不斷問到底係到搞乜鬼！一出𨋢，耳邊傳來嘅係八十年代嘅廣東舊歌，大大隻「西餐大排檔」寫在門口牆身，感覺真係十分深刻！我比呢到嘅環境搞到眼睛發哂光，急不及待走入去餐廳。因為預先訂位嘅關係，餐廳安排我地坐較有私隱的窗邊二人桌。餐廳裝修好似七八十年代嘅懷舊冰室，牆身用上半玻璃餐牌。餐桌同椅子都依足咗往日嘅味道和配色，但呢到唔係售速食嘅茶餐廳，卻係能慢慢品嘗西餐嘅地方。聽聞餐廳出名嘅係中西fusion菜，而我地這晚選擇咗二人set，有海鮮拼盤，前菜，湯，主菜和甜品，非常豐富！先來的是海鮮拼盤，伴上兩杯白酒。海鮮拼盤十分豐富，有生蠔，鮑魚，日本帶子刺身，鮮蝦和蟶子刺身。生蠔好大隻，肉厚鮮甜。帶子刺身配上蜜糖麵豉汁用小杯裝上，帶子厚肉配上獨家醬汁更加能帶出帶子嘅鮮味。蝦係基圍蝦，蝦殼不痴肉，證明好新鮮，肉質亦十分彈牙。最特別嘅係蟶子刺身，口感好似象拔蚌，但更為爽口，十分推介！接落嚟嘅係黑松露蘑茹湯。黑松露嘅味道好香，入口吃到一粒粒
女人麻，都係喜歡被人寵的，所以男朋友就先講了個大話話帶我去大排檔吃晚飯！
男朋友一早訂咗座，到大廈等𨋢個時，我仲不斷問到底係到搞乜鬼！一出𨋢，耳邊傳來嘅係八十年代嘅廣東舊歌，大大隻「西餐大排檔」寫在門口牆身，感覺真係十分深刻！我比呢到嘅環境搞到眼睛發哂光，急不及待走入去餐廳。因為預先訂位嘅關係，餐廳安排我地坐較有私隱的窗邊二人桌。
餐廳裝修好似七八十年代嘅懷舊冰室，牆身用上半玻璃餐牌。餐桌同椅子都依足咗往日嘅味道和配色，但呢到唔係售速食嘅茶餐廳，卻係能慢慢品嘗西餐嘅地方。
聽聞餐廳出名嘅係中西fusion菜，而我地這晚選擇咗二人set，有海鮮拼盤，前菜，湯，主菜和甜品，非常豐富！
先來的是海鮮拼盤，伴上兩杯白酒。海鮮拼盤十分豐富，有生蠔，鮑魚，日本帶子刺身，鮮蝦和蟶子刺身。生蠔好大隻，肉厚鮮甜。帶子刺身配上蜜糖麵豉汁用小杯裝上，帶子厚肉配上獨家醬汁更加能帶出帶子嘅鮮味。蝦係基圍蝦，蝦殼不痴肉，證明好新鮮，肉質亦十分彈牙。最特別嘅係蟶子刺身，口感好似象拔蚌，但更為爽口，十分推介！
接落嚟嘅係黑松露蘑茹湯。黑松露嘅味道好香，入口吃到一粒粒蘑茹小粒，湯十分濃郁又細滑。
前菜有兩款，先來嘅係燒牛脷配蜜糖芥末，牛脷切成條狀，燒香咗表面。小妹最怕牛脷被燒得乾乾的，但呢個係有驚喜！外面帶少許嘅香口，但內裏欲無比嫩滑，口感帶小許半溶嘅感覺，應該係牛脷帶有小小肥。配以甜甜又帶小許辣嘅蜜糖芥末醬，係個非常好嘅配搭！
松露煮日本年糕，又一款用黑松露制作嘅美食，呢個係店家嘅得獎菜式呢！黑松露點口年糕十分夾，配上煙煙韌韌嘅口感，黑松露嘅香味比年糕吸收了，十分入味。
主菜我地分別選了以下兩款：檸檬智利深海鱸魚柳
我倆平時唔太愛魚，見menu寫用上深海魚就勇敢咁試一次啦。鱸魚肉質唔係淋身的一種，唔會一切即散，但內裏又能保持嫩滑嘅口感！
吃落去時，口腔充滿咗魚油同骨膠原嘅感覺，尤其係燒香了嘅魚皮，有種煙煙韌韌嘅口感！
檸檬嘅小許酸味亦提升了魚的鮮味，更能減低油膩嘅厚重感。
香燒牛肉眼
肉眼燒成五成熟，肉質粉嫩佈滿咗肉汁！肉眼牛味濃，唔會韌。伴碟嘅紫薯薯容很好吃，甜甜嘅紫薯味道好清新，十分特別。
甜品係藍莓芝士蛋糕，藍莓味甜甜的，芝士蛋糕都幾滑，卻唔會有好濟嘅厚重感，剛剛好。
很滿意男朋友安排的一餐，環境和食物也是一流，小妹好難忘！
张贴
