影片
更多
2017-03-06
216 浏览
曄，你隻襪咁可愛嘅？唔通你一早嚟過呢間餐廳食嘢？知道要除鞋？所以特登要着對咁可愛嘅襪出嚟？提提大家下次如果要同朋友一齊食飯，或者要出去見人嘅話就醒目啲，着對靚小小，唔好著穿洞喎，哈。呢間日式嘅餐廳除咗會有吧枱位之外，仲會有啲房位，入到去就係日式的設計需要除襪。呢間餐館係源自日本大阪，係香港首間嘅分店。食物嘅製法都會係源自日本，為求達到原汁原味，而食材都係由日本新鮮運過來。呢度嘅串燒方式比較特別有。串揚。呢個燒法佢係喺食物嘅外邊加1層非常薄嘅漿再攞去炸，食嘅時候外面只會有一層好薄嘅脆脆，薄而香，香而鮮。特別喜歡食嘅係呢一個沙甸魚串揚，平時沙甸魚就食慣茄汁沙甸魚，原來用新鮮嘅沙甸魚來炸都係幾好食，而且佢入邊仲有一塊紫蘇葉，平時唔鍾意食紫蘇葉嘅我，竟然覺得個味道幾好，配埋落沙甸魚度，可以用好食嚟形容。另外一個我可以用神之雞翼嚟形容。不是誇張。。真係非常之好味！佢係用一隻好肥大嘅雞翼加炸粉炸，入邊嘅雞肉汁完全保留喺入邊，好嫩滑，外面嘅皮就微脆，最重要嘅係佢仲配有一種甜甜酸酸嘅日式醬汁，真係超好味。另外仲要介紹一下就係呢一個三文魚茶漬飯，其實不嬲對茶漬冇乜好感。雖然我好鍾意飲湯，但係我覺得呢種湯
提提大家下次如果要同朋友一齊食飯，或者要出去見人嘅話就醒目啲，着對靚小小，唔好著穿洞喎，哈。呢間日式嘅餐廳除咗會有吧枱位之外，仲會有啲房位，入到去就係日式的設計需要除襪。
呢間餐館係源自日本大阪，係香港首間嘅分店。食物嘅製法都會係源自日本，為求達到原汁原味，而食材都係由日本新鮮運過來。
呢度嘅串燒方式比較特別有。串揚。呢個燒法佢係喺食物嘅外邊加1層非常薄嘅漿再攞去炸，食嘅時候外面只會有一層好薄嘅脆脆，薄而香，香而鮮。
特別喜歡食嘅係呢一個沙甸魚串揚，平時沙甸魚就食慣茄汁沙甸魚，原來用新鮮嘅沙甸魚來炸都係幾好食，而且佢入邊仲有一塊紫蘇葉，平時唔鍾意食紫蘇葉嘅我，竟然覺得個味道幾好，配埋落沙甸魚度，可以用好食嚟形容。
另外一個我可以用神之雞翼嚟形容。不是誇張。。真係非常之好味！佢係用一隻好肥大嘅雞翼加炸粉炸，入邊嘅雞肉汁完全保留喺入邊，好嫩滑，外面嘅皮就微脆，最重要嘅係佢仲配有一種甜甜酸酸嘅日式醬汁，真係超好味。
另外仲要介紹一下就係呢一個三文魚茶漬飯，其實不嬲對茶漬冇乜好感。雖然我好鍾意飲湯，但係我覺得呢種湯唔夠熱，溫溫地的感覺好核突。但係呢度將佢個茶漬稍為轉變，中間係一個燒飯團再加上熱湯，食落去嗰種感覺似中式嘅湯飯，清甜得來又有魚嘅甜，不錯。
串揚蓮藕，大大嚿嘅蓮藕切到一舊舊厚切片，咬落去好粉好爽。唔使成日食肉，蔬菜都係一個好選擇。
果汁酒， 啱晒啲唔係好鍾意飲酒嘅人，因為呢一個就似果汁多過酒，完全唔會有酒嘅味道，反而就係一種真嘅提子味道，甜甜地又解渴，飲嗰種感覺係好甜好爽。
成日都好想讚下日本人嘅設計，好似呢一間餐廳，拒地方唔算好大，但係佢嘅設計就令到你唔會覺得好逼。好似拒吧枱個位置，看似無地方擺嘢，但其實座位揭開悶就可以放到好多嘢，真係善用空間。张贴
