影片
更多
2018-05-17
48 浏览
陪老細見完客，揸車兜到落去佐敦，諗住擺低部車去食飯，兜咗一輪入到偉晴街，見有位梗係攝入去啦，跟住見到個大紅燈籠，原來係食鐵板燒，老細問我啱唔啱食，我緊係 lur 飯應，話無問題啦!一入到去，就聽到噹噹聲不絕，原來係師父正在大顯身手，為客人整鐵板燒。雖然店內有梳化位，但係我哋無選擇到，原因好簡單，因為幾大都要坐去吧檯位，近距離欣賞師父的廚藝功架。一坐低，職員就好細心地捧上一杯青檸花旗參茶。以前從未飲過這個茶，飲落，青檸清新，花旗參回甘。估唔到，原來青檸和花旗參的配搭可以咁夾，相信店主是經過一番鑽研才找到這個配搭出來。一人前套餐有5款供選擇: (1) 北海道原隻毛蟹紐西蘭羊架套餐 $780、(2) 日本十勝黑豚肉北海道松葉蟹套餐 $450、(3) A5和牛北海道原隻粒貝套餐 $780、(4) 美國薄燒牛肉北海道二本蟹爪 $450、(5) 海膽焗原隻龍蝦北海道帆立貝海鮮套餐 $780。個個都好想食，都唔知揀邊個好，所以都係交番俾老細去決定。老細果然係老細，話一就一話二就二，就係咁，揀咗第 (1) 和 第 (2) 餐，我咃二人一齊 share。其實，真係好佩服師父的廚藝，身手敏捷唔在講，對食材
一入到去，就聽到噹噹聲不絕，原來係師父正在大顯身手，為客人整鐵板燒。
雖然店內有梳化位，但係我哋無選擇到，原因好簡單，因為幾大都要坐去吧檯位，近距離欣賞師父的廚藝功架。
一坐低，職員就好細心地捧上一杯青檸花旗參茶。以前從未飲過這個茶，飲落，青檸清新，花旗參回甘。估唔到，原來青檸和花旗參的配搭可以咁夾，相信店主是經過一番鑽研才找到這個配搭出來。
一人前套餐有5款供選擇: (1) 北海道原隻毛蟹紐西蘭羊架套餐 $780、(2) 日本十勝黑豚肉北海道松葉蟹套餐 $450、(3) A5和牛北海道原隻粒貝套餐 $780、(4) 美國薄燒牛肉北海道二本蟹爪 $450、(5) 海膽焗原隻龍蝦北海道帆立貝海鮮套餐 $780。個個都好想食，都唔知揀邊個好，所以都係交番俾老細去決定。老細果然係老細，話一就一話二就二，就係咁，揀咗第 (1) 和 第 (2) 餐，我咃二人一齊 share。
其實，真係好佩服師父的廚藝，身手敏捷唔在講，對食材在鐵板上的生熟程度、火喉掌握真係瞭如指掌，還有就係有超好記性，可以記住每個客人，點了些什麼、已經吃了些什麼、有什麼還未吃。有時，他是同一時間招呼著8個客人，認真犀利。
兩個套餐菜式如下:
日本十勝黑豚肉北海道松葉蟹套餐 $450:-
煙燻鴨胸沙律盛合杯
三點刺身
北海道松葉蟹腳
香檳焗岩蠔
日本十勝黑豚厚切配意大利黑醋
S2特色黃金炒飯 (松葉蟹肉)
S2鐵皮紙包蜆湯
燒野菜
泡芙雪糕
北海道原隻毛蟹紐西蘭羊架套餐 $780:-
煙燻鴨胸沙律盛合杯
三點刺身
北海道原隻毛蟹
時令貝類
紐西蘭羊架配香煎脆雞扒
野菜炒拉麵
S2 鐵板紙包蜆湯
焗雜菌
泡芙雪糕
【煙燻鴨胸沙律盛合杯】
好精緻。沙律以酒杯來盛著，好處係玻璃是透明的，可以讓客人看到杯來的食材是如果地放置，給客人多一重眼睛的享受。味道方面，煙燻過的鴨肉較為香口，味道的層次感亦高了一重。【三點刺身】
看餐牌，三點刺身是包括三文魚、甜蝦和帶子的，可是，帶子缺貨了。不過，不打緊，三文魚和甜蝦都非常新鮮，三文魚很肥美，甜蝦很鮮甜。【時令貝類 – 帶子】
原隻新鮮帶子連殼鐵板燒熟，汁多，鮮味。上面再加些黑松露醬來提升味道，超正!【香檳焗岩蠔】
焗得香。【北海道松葉蟹腳】
師父好像在玩魔術，想變什麼出來給我們呢?原來是北海道松葉蟹腳。雖然蟹肉唔多，但味道鮮美。
【北海道原隻毛蟹】
是兩個食法。一是蟹身和蟹腳鐵板燒，二是蟹糕連蟹殼用蛋蒸。蟹糕和蛋香混和為一體，好食到不得了。
【紐西蘭羊架配香煎脆雞扒】
雞皮煎成好似薄脆，非常可口。羊架肉嫩腍滑又唔羶。
【日本十勝黑豚厚切配意大利黑醋】
肉質豐厚，肉味濃郁。師父繼續變法術，把白飯在蛋漿浸勻之後，放在鐵板上炒，粒粒白飯炒成金黃色，然後再加上松葉蟹肉和蔥花，變成為一個特色黃金炒飯。
野菜和拉麵一起處理，不一會就完成了【野菜炒拉麵】和【燒野菜】。
拉麵炒得好惹麵。
【焗雜菌】
用錫紙預先包好，然後放在鐵板上，利用鐵板的熱力，把雜菌焗熟，又是另一番滋味。【S2 鐵板紙包蜆湯】
蜆湯材料預先入在耐熱膠內，然後又是利用鐵板的熱力將它加熱。加熱後，店員就把膠袋剪開，香氣隨之而撲面。湯內有大蜆、海帶、秋葵和豆腐。這個湯是個有得睇有得飲的玩意。
【甜品泡芙雪糕】
套餐最後一道是甜品泡芙雪糕。細細粒，可以一啖完，味道都唔錯。已經好飽了。
就在此刻，師父又施展絕技，炮製海膽醬芝士龍蝦給隔籬的客人，真的很羨慕啊! 希望老細下次再帶我來食。
张贴
