影片
更多
2020-12-11
213 浏览
第一次食Omakase梗係要食最好啦，呢間係連續五年獲得米之蓮獎，環境佈置、衛生、食材、服務當然一流啦，絕對唔會令你失望，水準實在太高❣️紅酒橋頭、柚子蘿蔔、胡老瓜、漬物牛蒡一開始佢會有碟前菜，紅酒橋頭應該係我一向唔會食嘅嘢，但試咗一舊甜甜地好好食，而且無乜酒味，我仲添左幾舊黎食啊，柚子蘿蔔好重嘅柚子味，好清新，酸甜適中， 亦都唔會乸喉❣️溫泉蛋淡醬油芝麻豆腐蕃茄冰菜芝麻豆腐好香豆味，最有心思係上面放咗啲自家製即磨芝麻，食到一粒粒芝麻之外仲增加左香氣。冰菜好特別，出面應該好少有得食，好新鮮，口感脆脆，仲好健康，其實都幾過癒，聽到D 卜卜聲好治癒❣️石垣鯛配麵醬鯛魚一啲腥味都冇，而且肉質唔會霉，麵醬亦都冇搶咗魚嘅鮮味，食落去好夾，仲有幾條新鮮菜芽，令到成件事冇咁膩❣️ 岩鹽青檸響螺新鮮嘅響螺原來係咁爽咁甜，加咗啲岩鹽同青檸，令到個味道更加突出，仲可以僻走曬D腥味，同煲湯嗰啲硬班班真係差好遠❣️蒸鮑魚配鮑魚肝醬個鮑魚好甜好淋，仲用左鮑魚肝做醬，令到個味更加香濃，通常食蒸鮑魚都唔會食埋啲內臟因為有啲腥，但今次廚師好破格用內臟來做醬汁，而且後期製作令到啲內臟完全冇腥味同冇沙，名副其實嘅原汁原味❣️白蝦配蟹
第一次食Omakase梗係要食最好啦，呢間係連續五年獲得米之蓮獎，環境佈置、衛生、食材、服務當然一流啦，絕對唔會令你失望，水準實在太高
❣️紅酒橋頭、柚子蘿蔔、胡老瓜、漬物牛蒡
一開始佢會有碟前菜，紅酒橋頭應該係我一向唔會食嘅嘢，但試咗一舊甜甜地好好食，而且無乜酒味，我仲添左幾舊黎食啊，柚子蘿蔔好重嘅柚子味，好清新，酸甜適中， 亦都唔會乸喉
❣️溫泉蛋淡醬油芝麻豆腐蕃茄冰菜
芝麻豆腐好香豆味，最有心思係上面放咗啲自家製即磨芝麻，食到一粒粒芝麻之外仲增加左香氣。冰菜好特別，出面應該好少有得食，好新鮮，口感脆脆，仲好健康，其實都幾過癒，聽到D 卜卜聲好治癒
❣️石垣鯛配麵醬
鯛魚一啲腥味都冇，而且肉質唔會霉，麵醬亦都冇搶咗魚嘅鮮味，食落去好夾，仲有幾條新鮮菜芽，令到成件事冇咁膩
❣️ 岩鹽青檸響螺
新鮮嘅響螺原來係咁爽咁甜，加咗啲岩鹽同青檸，令到個味道更加突出，仲可以僻走曬D腥味，同煲湯嗰啲硬班班真係差好遠
❣️蒸鮑魚配鮑魚肝醬
個鮑魚好甜好淋，仲用左鮑魚肝做醬，令到個味更加香濃，通常食蒸鮑魚都唔會食埋啲內臟因為有啲腥，但今次廚師好破格用內臟來做醬汁，而且後期製作令到啲內臟完全冇腥味同冇沙，名副其實嘅原汁原味
❣️白蝦配蟹子
白蝦細細隻，一堆食落口真係好過癮，應該都係日本餐廳比較少食嘅食材，而且仲加咗啲蟹子口感卜卜脆，食落去有少少黏口，好鮮甜
❣️燒拖羅
拖羅好肥美，廚師係拖羅上面輕輕燒一燒，令到啲油脂更加香，聞到都覺得會好好食，食落口有一種入口即溶嘅感覺，口裏面仲會留有一陣陣魚油嘅味道
❣️清酒煮北寄貝
北寄貝煮湯好鮮甜，淡淡清酒味唔會太過搶喉，同刺身嘅口感好唔一樣，煮熟咗嘅北寄貝會比較淋身，個湯好有海鮮味，同埋好少餐廳會將北寄貝煮熟嚟食，因為刺身係最安全、唔會失手，而呢間餐廳就好大膽亦都好突破，食材出嚟嘅效果相當好
❣️右口魚邊配芽蔥
右口魚肉質肥美，同一般魚有啲唔同，佢嘅油脂極豐富，魚肉好滑，滑到好似食緊豆腐咁，但質感又比豆腐實在，入口即溶，滿口都係魚油，但又唔會覺得油膩
❣️牡丹蝦壽司配蝦膏
呢味菜好有心思同花功夫，廚師拆咗個蝦頭，再拎D 蝦膏出黎燒，之後再放落隻蝦上面，燒完後蝦膏個質感實D 唔會水nelnel，而且無咁腥，反而可以提升到蝦嘅鮮味，如果係一啲普通餐廳個蝦頭應該一早掉咗，而唔會咁費功夫搞咁多嘢
❣️北海道落石海膽
新鮮嘅北海道海膽上面仲有一啲金箔做襯托，下面就有紫菜同飯。海膽質感好結實，而且仲好有海水味，分量亦都唔少，同紫菜一齊食好夾
❣️雪白魚湯
白雪雪嘅魚煲湯好鮮甜，令人好賞心悅目，魚肉亦都好嫰滑，亦都冇魚腥味，仲加埋滑一滑嘅豆腐，成個湯嘅口感好一致
❣️紫丸葡萄、青橘啫喱、和歌山柿卷
聽廚師講紫丸葡萄比巨峰葡萄仲要甜，而且喺香港都比較少見，食落去係清甜而唔係死甜，青橘啫喱好清爽食落去好彈口，而且仲有淡淡嘅青檸味，而柿卷唔會太甜，中間仲有啲柚子，令到個柿卷冇咁甜膩
總括來講係一個非常之好嘅體驗，廚師同職員好有耐性咁解釋每一道菜，而且用料非常新鮮同上盛，佢哋嘅食物真係冇得挑剔。而廚師會因應顧客唔同嘅喜好而度身訂造每一道菜，仲會留意你嘅一舉一動，每一次都係等我慢慢品嚐完之後先至會上另一道菜，好細心，而且open kitchen可以睇住廚師嘅製作過程，成件事好同步，比起落完單齋坐，唔知廚房發生咩事、廚房衛生係點、比D 咩客人食，的確放心而且有趣得多
张贴
