Sick Burger (希雲街)

营业中

休息中

自問係「撚手漢堡」愛好者，或想做「搖奶聖手」嘅朋友請進！希雲街出名多美食，今日行到入街尾食超正宗美式手工漢堡，望到招牌都知呢間啲漢堡sick（正到爆）呀！呢間漢堡店麻雀雖小，五臟俱全，由外到內嘅裝修都好有feel，將港式冰室嘅綠色瓷磚、手寫招牌樣式嘅貼紙，同美式手寫字體嘅Sick Burger放埋一齊，別有一番風味！當然，最緊要嘅手打漢堡絕對唔會令你失望！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⟡ 撚手牛肉漢堡 (E.B.L.T) 嚟得一定要食鎮店之寶：撚手牛肉漢堡！呢款有得揀單層、雙層、三層肉扒，我哋揀咗雙層扒，好肥美呀！每份漢堡都係即叫即整，手打漢堡扒果然有啲料到，肉汁輕輕一壓已經流曬出嚟，配埋流心蛋同煎到金黃焦脆嘅煙肉，簡直係三重享受！漢堡入面仲夾有洋蔥，每樣嘢食都配搭得啱啱好，果然係撚手之作！ ⟡ 雞肉漢堡 Sick! Chicken Burger 個人認為呢個都非常值得一試！呢間小店非常拿捏到美式精粹：高熱量同脆卜卜！雞扒嘅炸漿雖厚但炸到啱啱好，外面脆卜卜，裏面依然非常鮮嫩，正呀！ ⟡ 小丸子陳皮紅豆冰奶昔 Sick! Bean Milkshake 呢度