影片
更多
2012-06-25
4 浏览
見好多雜誌介紹呢間食店, 而呢度既食評又咁好, 梗係要黎試下啦, 點知...環境比想像中細, 檯與檯之間幾迫, 樓底唔高令到人聲好嘈. 好在當晚我地隔離檯無人, 如果唔係我同朋友肯定乜野都講唔到. 燈光SETTING好奇怪, 某啲位好光 (直情盞射燈就响頭頂) 而某啲位就好暗, 我差啲連自己食緊乜都唔知. 最弊係冷氣唔夠凍, 食食下我同朋友都出哂汗.食物$458/5道菜, 整體上係OK既, 但以呢個價錢可以有更好選擇, 亦無必要一定要黎呢度食. 頭盤係芒果無花果香桃沙律, 菜有少少苦味, 芒果好甜. 餐湯係南瓜忌廉湯, 好濃但無乜南瓜味. 主菜我揀左豬扒朋友揀左牛柳, 中規規中矩, 無驚喜亦無意外. 甜品係士多啤梨拿破崙, 酴皮好鬆化, 吉士甜度適中.服務以一間高級既餐廳黎講, 服務未達水準. 首先, 我問經理攞DRINK LIST, 佢問我地要唔要飲酒, 我話"睇下先啦, 唔該". 佢只係拎左DRINK LIST俾我然後問"你要唔要WHY (WINE) LIST? 要既我拎埋俾你", 我覺得有點奇怪, 通常餐廳都係DRINK LIST+WINE LIST一齊俾客,
環境
比想像中細, 檯與檯之間幾迫, 樓底唔高令到人聲好嘈. 好在當晚我地隔離檯無人, 如果唔係我同朋友肯定乜野都講唔到. 燈光SETTING好奇怪, 某啲位好光 (直情盞射燈就响頭頂) 而某啲位就好暗, 我差啲連自己食緊乜都唔知. 最弊係冷氣唔夠凍, 食食下我同朋友都出哂汗.
食物
$458/5道菜, 整體上係OK既, 但以呢個價錢可以有更好選擇, 亦無必要一定要黎呢度食. 頭盤係芒果無花果香桃沙律, 菜有少少苦味, 芒果好甜. 餐湯係南瓜忌廉湯, 好濃但無乜南瓜味. 主菜我揀左豬扒朋友揀左牛柳, 中規規中矩, 無驚喜亦無意外. 甜品係士多啤梨拿破崙, 酴皮好鬆化, 吉士甜度適中.
服務
以一間高級既餐廳黎講, 服務未達水準. 首先, 我問經理攞DRINK LIST, 佢問我地要唔要飲酒, 我話"睇下先啦, 唔該". 佢只係拎左DRINK LIST俾我然後問"你要唔要WHY (WINE) LIST? 要既我拎埋俾你", 我覺得有點奇怪, 通常餐廳都係DRINK LIST+WINE LIST一齊俾客, 如果佢認為我唔會飲WINE點解又要再問, 如果佢認為我會飲WINE又點解唔一次過拎哂兩個LIST俾我呢? 奇怪奇怪. 之後負責傳菜既侍應長髮及肩, 我唔係認為男人唔可以留長頭髮, 但身為飲食業從業員係咪應該响工作期間紮起頭髮呢? 就算女侍應都會紮辮梳髻啦, 點解男侍應就唔會呢? 到最後我地要埋單, 但揮手多次都無人理, 如果有太多客人我可以理解, 但當晚連十張檯既客都無.
總括黎講, 呢間餐廳可以一試, but definitely not on top of my list.
张贴