Chatuchak (已結業)

係誠品睇書睇到攰攰地，就上樓上food court搵野食，順便坐低休息下。呢排天氣太熱，想食酸酸辣辣泰國野，就揀左呢間，見店員都應該係泰國人，信心都高d。🐷冬陰功豬扒湯米粉🐷$70冬陰功湯好濃郁，酸酸辣辣好開胃，幼身米粉索哂湯味，食到停唔到口，豬扒好多，肉質厚身，但完全唔鞋口唔韌，肥瘦分明。🥗青木瓜沙律🥗$58沙律好大碟，青木瓜超多，加上有生菜做底，夠新鮮，而且有脆脆花生相伴，配上自家酸酸辣辣醬汁，冰涼開胃。🥗酸辣札肉沙律🥗$58估唔到係札肉多過沙律，超抵食，札肉厚薄切得岩岩好，黑椒味好出。評語待應有禮，做野快手食物抵食🐵推介🍌🍌🍌🍌🍌（5🍌為滿分）