影片
陪老公去希慎行诚品睇书，睇到好肚饿就上咗去楼上food court食晚饭，行咗个圈，发现呢间位置比较后面嘅泰国菜，见到其他食客食紧嘅嘢食好似好正咁，就拣咗呢一间。凤尾虾炒金边粉 $64卖相都几靓，有成四只大虾，金边粉味道好好，炒得好幼镬气。芽菜、蛋、虾皮、豆干、葱同金边粉炒匀好香口，food court都整到有水准。仲细心配埋三种调味粉：花生碎、砂糖、辣椒碎，可以跟自己口味自由配搭。鲜菠萝炒饭 $68用鲜菠萝真系唔同啲，个饭充满菠萝嘅香甜。炒饭软硬适中，材料丰富，除咗香甜多汁菠萝粒之外，仲有好多滑鸡粒、泰国腊肠、三色豆同埋肉松，加埋蛋同埋黄姜粉嘅香气，炒饭都好正。炸虾饼拼炸鸡卷 +$28/+$26炸虾饼系跟餐加倍嘅小食，呢个正常发挥，虾饼都厚身几扎实，最紧要沾上我最钟意嘅泰式甜辣一齐食。炸鸡卷都系加配小食，几香口，出边嘅腐皮酥脆，里面嘅鸡肉都充满肉汁，唔会干。龙眼冰+$12最后饮番杯跟餐嘅嘢饮，龙眼冰唔会太甜，陪泰国嘢食绝配，几清爽。
继续阅读
这间泰国菜就在希慎楼上的大型美食广场入面 空间大位置多 而这间餐厅是由泰国人主理👍🏻味道够正宗质素不错之余性价比仲好高 人均不用$100😍✨泰式蛋浆咖喱猪扒饭 $64蛋浆咖哩是黄咖哩底🥘配有好多洋葱🧅彩椒🫑味道不会辣也不腻 加入蛋浆更稠滑🐷带骨猪扒肉质够松软腌得入味✨泰式干炒牛河 $64炒牛河大碟 牛肉份量多又嫩滑 配上炒蛋🥚芥兰🥬杂菜 丰富好足料 炒得香口有镬气又干爽不油腻✨炸虾饼（2件） $28以优惠价加配的虾饼有两块够厚身🍤外皮炸得香脆 口感爽口弹牙 沾上泰式甜辣酱味道更惹味✨芭堤雅烧鸡扒（1件） $24用上无骨带皮鸡扒大件啖啖肉🐓肉质够滑嫩 带有淡淡的香茅味道 如果可以烧得焦点就更香👍🏻✨饮品以优惠价加配了两杯饮品 咸柠梳打及香茅荔枝梳打🍋咸柠梳打不会太甜好解腻🍹香茅荔枝梳打甜度较高 有淡淡香茅的味道好清新📍Chatuchak (铜锣湾)铜锣湾轩尼诗道500号希慎广场11楼1105号铺
继续阅读
行完诚品有啲肚饿，直接就上咗上面嘅food court食嘢行咗一轮，泰国嘢好似最啱食，主食加小食加嘢饮，为返都系$100位，几抵食鲜菠萝炒饭$68菠萝炒饭劲大碟中间除咗鸡肉，仲有腊肠粒，味道几得意泰式干炒河$64泰式干炒河可以拣猪肉、牛肉或者鸡肉河粉片扁身同阔身，镬气十足，炒得好香口炸虾卷$26虾卷细细粒，食落唔会太油腻炸虾饼$28炸虾饼够爽脆龙眼冰$12特饮都系加$10，龙眼冰清甜可口阿华田朱古力$10阿华田味道够浓郁
继续阅读
铜锣湾希慎广场嘅food court位于11楼，呢到嘅楼底好高坐得好舒服，仲有超大玻璃窗可以欣赏铜锣湾城市景观👀当中「Chatuchak」价钱亲民，菜式选择丰富，仲系由泰国人主理嘅添！一于叫返几款泰式美食一解相思～凤尾虾炒金边粉泰式炒金边粉属常见嘅泰菜，卖点系多层次嘅味道。嚟得泰国餐厅必叫🙆🏻♀️金边粉好大碟，炒得几有镬气，每条金边粉都系幼幼的，口感好弹牙，而且炒得根根分明够干身，唔会变咗一团痴实晒咁，所以好易夹起。味道以酸甜为主，展现出原汁原味嘅泰式风味，再加埋大只爽口嘅凤尾虾一齐食，口感相当丰富～如果想增加口感仲可以捞少少花生碎，伴碟嘅辣椒粉比较辣，怕辣嘅朋友可酌量添加！冬荫功凤尾虾汤大大碗冬荫功汤配料丰富，里面有胀卜卜嘅新鲜凤尾虾、茹菌及各种香料等。虽然个汤望落去呈鲜红色，但饮落去味道唔会太辣，个人觉得酸味多过辣味少少，但酸无抢咗辣嘅风头，反而系酸中有辣、辣中有酸，尾韵又有甘甜，我超钟意咁刚好嘅酸辣甜比例，可以一口气将汤通通饮晒😆套餐可加钱配泰式轻食，我就加咗$28配两件炸虾饼～虾饼炸得脆卜卜，新鲜热辣，虾胶非常弹牙，而且虾味浓郁，食得出系真材实料，沾上泰式甜辣酱，甜鲜辣共冶口中，都系必叫嘅item✨炸香茅猪扒 （+$24）大大块猪扒以香茅腌制，多汁肉腍唔嚡口，入口微微带有柑橘香气及酸味，开胃之余极之惹味👀
继续阅读
泰式猪手饭(68hkd)呢度菜式由泰国人主理，特别有风味，猪手炆到好腍，猪皮满满的胶质，处理得好干净无毛，肉都系卤到入哂味，加埋辣酱更开胃泰式湿炒牛河(64hkd)菜同肉量都好多，用咗寛身的泰式河粉，特别烟靭弹牙，出奇地有镬气，调味适中唔太咸～炸虾饼(+28hkd)表皮炸到好脆，无粉感，几弹牙，呢个价钱完全交到货👀串烧鸡(+38hkd)必点，即叫即烧热辣辣，鸡肉唔干柴，烤到微微焦边，配沙嗲酱一流😍👍🏻#foodiblum东南亚
继续阅读