巴打火鍋館 (已結業)

呢排天氣凍到震，緊係要打返個邊爐暖下身今日黎到元朗「巴打火鍋館」同一聚巴打吹水打邊爐「一蚊雞」呢樣野真係好耐無聽過，估唔到呢到可以重遇返一蚊就有既雞煲勁抵食，不過大家要留意返時間。落左單雞煲勁快就準備好，最正係仲有個timer係到計時，大家一齊倒數幾時開餐食雞煲當然要叫最經典既麻煩雞煲，小辣唔算好辣，除左辣椒仲加左啲花椒落去，少少麻辣好過癮。而且個汁勁濃勁香，雞件勁入味，肉質亦唔會老好滑易咬食完雞煲打邊爐就基本，配料上選擇亦好多，我地揀左啲索汁既雞脾菇同豆腐，未加水之前就連埋啲雞一齊煲，等到吸晒啲濃汁食勁香口肥牛厚身重肉味，食落亦唔會好鞋，價錢都唔貴，好食又抵食不得不提呢個紫菜響鈴，自家鮮炸，上枱仲係熱辣辣勁脆身，中間包左紫菜食落味道更多層次，比起一般響鈴好食勁多，講真真係好impressive，一定要試！