影片
更多
2017-07-22
698 浏览
金巴利道的古堡式精品酒店The Luxe Manor, 見網上介紹, 由著名設計師 David Buffery設計, 此位人兄設計的作品, 歐洲色彩強烈, 既裝潢豪華, 又有古典氣息, 更富超現實主義, David Buffery 應該未算是國際級設計師, 只是公司落戶香港, 專設計大型酒店, 澳門銀河和香港洲際酒店, 都是經他手筆, 今天去這間酒店內的餐廳, 曾經在蘭桂坊開過店, 都是由這位設計師操刀. 店名: FINDS, 唔講唔覺, 一講就...真係 一言驚醒李克勤...., F 就係 Finland, I就係Iceland啦...., 之後既... 唔使多講, 正所謂...一理通馬國明.... N乃Norway, D... 肯定係Denmark啦..., 最尾 S就 Sweden , 人們形容北歐風格, 甚少用國家區分, 雖然, 講來講去都係果幾個國家, 唔知有無理解錯, 香港人常用 scandinavian, 但歐洲覺得這字不太清晰, 而用Norden, 其實, 還包括了丹麥屬地 Faroe Islands, 芬蘭屬地 Åland, 和 Greenland. 地源政治與食,
金巴利道的古堡式精品酒店The Luxe Manor, 見網上介紹, 由著名設計師 David Buffery設計, 此位人兄設計的作品, 歐洲色彩強烈, 既裝潢豪華, 又有古典氣息, 更富超現實主義, David Buffery 應該未算是國際級設計師, 只是公司落戶香港, 專設計大型酒店, 澳門銀河和香港洲際酒店, 都是經他手筆, 今天去這間酒店內的餐廳, 曾經在蘭桂坊開過店, 都是由這位設計師操刀. 
店名: FINDS, 唔講唔覺, 一講就...真係 一言驚醒李克勤...., F 就係 Finland, I就係Iceland啦...., 之後既... 唔使多講, 正所謂...一理通馬國明.... N乃Norway, D... 肯定係Denmark啦..., 最尾 S就 Sweden , 人們形容北歐風格, 甚少用國家區分, 雖然, 講來講去都係果幾個國家, 唔知有無理解錯, 香港人常用 scandinavian, 但歐洲覺得這字不太清晰, 而用Norden, 其實, 還包括了丹麥屬地 Faroe Islands, 芬蘭屬地 Åland, 和 Greenland. 地源政治與食, 有甚麼問關係?? 係無關係... , 我地淨係識食架咋..., 就算有關..., 都留翻比沈大師講啦, 我呢種阿伯同C9 識個屁咩...
套餐價應該係最抵啦, 你放心, 我好誠懇地向大家報告, 我已經好無聊地... 將餐牌上的各樣單叫食品價格, 以套餐配搭形式加了一次, 得出的結果, 未算驚為天人, 但都與發現"阿媽係女人"的結論一樣咁震撼, 套餐價的確係抵食好多..!
先來一客新鮮烘製麵包, 三種款式, 普通的白軟包、黑麥製的甜包, 還有最特別富有北歐色彩的黑麥薄脆, 口感煙韌, 麥香重, 還有微微的焦糖香味, 用一隻長方形木盒載著盛上, 這種方型四正的盒, 比起一般的麵包籃, 給我一種好興奮的感覺, 自己都覺得有些少變態... 
伴隨新鮮麵包, 是三格式的塗味料, 牛油... 食唔出有甚麼特別, 鹹味不重, 啱晒愛健康既健康膠..., 橄欖油, 好重味, 呢隻我好喜歡, 比超市的平價貨濃味好多, 還有Cream cheese, 平時單係 cream cheese 塗麵包, 無論是最大路的Philadelphia..., 又或是高級超市的歐洲貨, 我都可以當成餐飯咁食...., 睇嚟...要 waiter 來多一客大盒靚包了....
不要以為日式餐廳才有三文魚頭湯, 當然... 名稱相同, 外表與內涵都差天共地....., 相同例子也有中式菇類煮湯, 通常都是帶咖透明的顏色, 但西式的菇類湯, 做法是用攪拌機打碎攪蓉 才下湯, 這款用三文魚頭煮的湯, 一點腥味也沒有, 可能因為主要成份都是三文魚肉之故, 湯的杰度十足, 未必適合香港人口味, 皆因香港人喜歡流質較稀的湯, 湯底雖濃但不膩, 再加些少忌廉, 攪伴入湯中, 味道芳香滑溜, 但這隻土星形狀的湯碟, 土星環就夠大了, 但土星本身太少, 唔多夠喉... 哈哈哈....
餐牌上的 WINE Menu 和 BAR Menu, 提供多款 Cocktails, 閣下, 如果今天真係揸住架... 據聞...雖然巴士都撞唔爛既Volvo房車...嚟食飯, 但安全緊要..., 都係唔好飲酒喇..., 餐牌上寫住: Who said it was not fun without alcohol...., 啱晒閣下. 這杯名為 Blue Ocean, 成份, 有我最唔鍾意食既"荔枝" (唔鍾意食咋, 無話唔鍾意飲呀... ), 溝了入我最鍾意的西柚汁, 還有專用來做雞尾酒的 Curacao... 橙皮甜"汁"... 唔係酒... 上檯時的外貌..., 攝影專家教落, 影相要影得靚, 一定由上而下, 唔好影到個鼻哥窿, 而且影得個身型會靚好多... 果然無教錯....
Nordic Seafood Platter, 好大隻碟...., 高級餐廳都係用好大隻碟... 這應該是常識吧..., 材料好豐富, 有淹漬帶子 、刁草蝦、煙燻蝦、藍青口、甜蜆、冷燻三文魚、輕煎三文魚、醃三文魚. 唔使問阿貴..., 所有食材都係北歐進口吧..., 尤其是那兩杯小蝦, 一組用刁草煮成, 另一組則用碎木煙燻, 品種係我最喜歡兼成日食既北極甜蝦..., 係高級超市有得賣, 味道鮮甜, 口感結實帶韌勁, 無需用任何調味, 就已經好好味.
餐牌上寫著輕煎三文魚和醃三文魚...., 圖中所見, 右邊的應該是加了刁草碎的三文魚, 而右邊的, 點睇..也不算煎過吧.., 似乎更似係, 新鮮三文魚撈了一些煎過的調味料, 入口有些少煙燻味, 邊位那些黑椒碎狀的調味, 完全沒有黑椒味, 好神奇.
主菜有四款 (煙三文魚、香烤肉眼扒、走地雞、秘製肉丸) , 屬於二人份量, 即每兩位客人, 只可選一款主菜. 剛吃過三文魚, 不想重覆. 秘製肉丸..., 雖然"秘製"好吸引, 但北歐的肉丸, 在那間北歐傢俬連鎖店吃得太多了, 我幾乎每星期都去食一次, 我太愛北歐了, 有機會我一定移民去北歐... 哈哈... . 至於那隻走地雞..., 真係好想好想試, 但餐牌上寫明, 烹調時間需要一個小時...., 嘩.., 要煮一小時咁耐?? 係唔係北歐與中式燜燉的 crossover呀? 聽到更加想食啦..., 可惜今晚實在趕時間, 約了另一位回港朋友宵夜..., 得翻最後這個..."香烤肉眼扒"... , 其實就是想食牛扒... 其他都係藉口.. 哈哈哈... 
落單要 medium, 上檯時..., 哈哈哈...., 真係 medium 喎, 唔係講笑, 香港的餐廳, 十間...有八間都係.. 落單時要medium, 但上檯時就變成medium well..., 這間店的師傅夠水準, 上星期的八掛新聞, 追訪班議員, 十問七唔應, 三個應既...就連medium well都唔識, 其實我覺得位記者有心陰佢地啫, 阿楊律師唔會唔知吖...., 不過, 話時話..., 一般稱呼medium 為五成熟, 我就覺得譯得唔夠切合實情, 以對比度來說, 牛肉煮至medium熟, 其實應該係六、七成, 而medium well, 應該係八成熟先啱. 此件牛柳, medium熟, 內部呈深狀粉紅色, 邊位夾雜著淺灰和棕褐色, 溫度與口感都非常好. 如果表面再多一點焦酥口感, 就更加完美. 
又是印有Volvo 品牌標誌, 名為 Jaakko Dessert Platter, 二人共享, 共有三款小蛋糕和一隻不知名的小白波波, 其實店員姐姐向我們講解過的, 但我無心裝載, 太心急, 掛住食, 左耳入, 右耳出..., 那款小白波波, 用匙更按下, 十分有彈力, 但入口又非常軟綿綿, 食完都唔知係咩嘢嚟... 哈哈..., 其餘三款是普通蛋糕, 最好味就是中間的那款杏仁碎包裹著芭菲的小圓柱, 內部芭菲, 冰凍綿密, 外層杏仁碎溝了焦糖...., 實在好味了, 可惜太小份量, 四件就差不多... 哈哈...
今次餐廳與Volvo 車行合作, 推出Volvo’sSocial Dining Menu, 由芬蘭名廚Jaakko Sorsa主理, 為Volvo度身設計多款菜色, 主打菜餚應該都是用北歐出晒名的三文魚吧, 至於Volvo賣"車", 餐廳賣"食", 真係幾有創意都聯想唔到有甚麼關聯菜色, 而借題發揮就梗架喇..., 至於巧立名目送大禮 也不妨多做, 好似話, 惠顧出示Volvo車匙, 可獲贈Volvo Ocean Blue Mocktail一杯, 好似咋, 嚟食之前, 記住問清楚, 到底係出示架"車"? 還是"車匙"呀?!! "車匙"...?? 我有一條廿年前既Volvo車匙, 可以借比你用既... .
张贴
