影片
更多
2006-02-02
5 浏览
往時一月幫襯8次以上, 由於表現水平急降, 而家決定懲戒佢, 轉移陣地. 漏單情況嚴重左, 上次追碗鵝瀨, 由開order到問你last call 兼埋單, 成粒鐘唔見鵝瀨, 中途追過, 無交無代, 追到埋單都無答案, 但隔籬竟然遲來先上岸, 遲order反而有, 嬲到老媽發火, 最後是但求其質碗擺左又係成粒鐘咁耐既雞瀨比你頂檔, 當你坐近廚房係盲既, 博你見唔到攤到凍晒d油擎晒既陳年雞瀨就隊比你食. 過程中, 黑衣男部長狂鏟點心廚房班人, 鬧住問點解某某點心賣晒唔單聲, 點知無人理會男部長, 令人覺得班伙記內部都有問題, 但結果令我地飲茶人受罪. 食品安全問題, 上次除左自己漏單外, 受災原來係大範圍區域性, 連隔籬附近幾漏單漏到媽媽聲, 見住隔籬漏左雷沙湯丸, 部長即時命令廚房去跟, 眼見點心部d 人百般不願意咁即做, 另外隔籬漏單既鴨腳紮仲衰, 點解咁記得? 就因為隔籬男食客勁嬲d 鴨腳未蒸熟就出菜, 佢係咁狂鬧, 仲要脅話即時打去食環署同稻香總部投訴, 氣氛好緊張, 其後黑衣男部長連聲sorry同取消碟野平息事件. 另外點心紙唔update, 一早無左幾百年既甜品榴槤露成年都唔
漏單情況嚴重左, 上次追碗鵝瀨, 由開order到問你last call 兼埋單, 成粒鐘唔見鵝瀨, 中途追過, 無交無代, 追到埋單都無答案, 但隔籬竟然遲來先上岸, 遲order反而有, 嬲到老媽發火, 最後是但求其質碗擺左又係成粒鐘咁耐既雞瀨比你頂檔, 當你坐近廚房係盲既, 博你見唔到攤到凍晒d油擎晒既陳年雞瀨就隊比你食. 過程中, 黑衣男部長狂鏟點心廚房班人, 鬧住問點解某某點心賣晒唔單聲, 點知無人理會男部長, 令人覺得班伙記內部都有問題, 但結果令我地飲茶人受罪.
食品安全問題, 上次除左自己漏單外, 受災原來係大範圍區域性, 連隔籬附近幾漏單漏到媽媽聲, 見住隔籬漏左雷沙湯丸, 部長即時命令廚房去跟, 眼見點心部d 人百般不願意咁即做, 另外隔籬漏單既鴨腳紮仲衰, 點解咁記得? 就因為隔籬男食客勁嬲d 鴨腳未蒸熟就出菜, 佢係咁狂鬧, 仲要脅話即時打去食環署同稻香總部投訴, 氣氛好緊張, 其後黑衣男部長連聲sorry同取消碟野平息事件.
另外點心紙唔update, 一早無左幾百年既甜品榴槤露成年都唔delete, 特登次次叫, test下佢, 但佢次次都無, 但從來無人知道佢地茶酒唔再出呢隻點心, 而且通知你'沒有'既時間係由往日order後既5分鐘內變成埋單至話你知, 差唔多半年後至搵到人問原來一年多前已停產, 咁都有. 咁懶無人處理.
點心製作已心死, 以前平均一個月就會轉點心紙, core點心如蝦餃燒賣一定有, 但其他optional點心佢會轉, 例如蝦角及其他點心, 上月出現呢個月變第2 set, 下個月又變成第3 set, 但近半年來點心紙已無改變, 而promoted既精選點心, 月月新款, 但一月貴過一月, 試叫過一次, 賣相味道實在不堪, 此外腸粉皮講過, 到今時今日, 一樣無變, 粉皮永遠係一夾即爛, 鮑魚雞粥/皮蛋瘦肉粥, 由當初綿粥變成稀泥粥, 點心水準'水銀瀉地'.
想食到靚野, 願意花38蚊叫碟有幾舊炸蝦物體既泰式點心, 或會食得滋味. 但滋味在心頭時, 未必有令你滿意稱心服務, 因近來態度差左, 無耐性, 無交帶, 廣東話亦差, 點解, 有次佢上菜講呢碟係雞札變成龜札, 都算係小事, 但其他點心發音, 就算用普通話去理解, 都唔明係乜. 話時話, 以前d伙記比較多本地人, 溝通/效率都好滿意, 叫佢比碟辣油呢d 小事佢都火速送上, 但唔理佢地係咪本唔本地人, 個人覺得近來新到伙記的確無以前咁好, 另外上兩次遇到超惡黑衣林姓女部長, 老媽叫辣油叫極唔到, 一時認錯人, 話錯左佢, 話佢比辣油耐耐都唔比, 點知個黑衣女部長惡形惡相反問老媽, '係咪我呀? 果個係我咩? 係咪我先?', 如此態度兇個老人, 非常不要得.
如此表現, 近來輪number人龍已不復見.
謹此向稻香道別.
张贴