新翠華茶餐廳 (已搬遷) 新店位置

12-9-2006 1814係銅鑼灣工作一輪後，臨返公司交差前，黎呢度整個早早既晚餐，剛剛6點鐘，人客一點也不少，還臭到有少少碳味，應該只是由外面整煲仔飯燒的碳傳入。天氣有少少涼，咁就叫了合時臘味煲，加玫瑰花茶飯及凍啡。差唔多等了20分鐘，果然好生意，上到檯時阿姐立即淋豉油，然後再蓋上等一陣。時辰到就開蓋，好香的飯味及少許玫瑰花味，裡面有臘腸、膶腸、臘鴨、臘肉及幾舊玫塊花，幾樣臘味肥得來不算多油，亦沒有臭油益，飯軟硬度剛剛好，本身飯除了花味，亦有自己的飯香，只有炭燒兼有功力先可以咁做到，而底部的飯舊唔會太燶。飯本身45蚊，加5蚊有凍熱飲，加5蚊有花茶飯，共55蚊，抵到爛。