影片
更多
2007-11-20
6 浏览
新開張，好多花牌圍住出面，又好多人圍住外面研究佢個meun，但唔好諗住咁就好，重喺大錯特錯。今日下午四點幾，幫媽咪送D嘢比住喺附近嘅阿姨，太耐無食甜品嘅我想食甜嘢，見以上形容嘅情況，就拿拿淋泊好架車，入去想食燉奶。當時是tea time，成間嘢得七成客，但坐落無人招呼，但D侍應(好多人架，個個好似中學生咁嘅年紀)就好似好忙，周圍衝，但唔知忙乜。乜呢到唔喺食甜品嘅咩? 點解枱枱客都食茶餐而唔食燉奶，連甜品都少人叫?唔理，我好快叫侍應埋黎落order：「一個熱鮮奶燉蛋白。」待應：「無得買喎，起碼要等三個字，要燉0麻，食其他甜品啦，其他會好快黎。」燉奶佬無燉奶買?? 吓，人地其他甜品舖都唔會用呢個藉口話無燉奶啦，何況你以此作主打??唔怪得個個只都食茶餐。算，我求其响meun上點咗個鮮果雪糕涼粉。不過叫完後，一路都見有剛坐落嘅客叫燉奶不果，大家都嘖嘖稱奇。我等呀等，等呀等，差D訓着……15 mins 過去，涼粉仲未到。我追咗幾次單，終於黎la……咦?? 乜黎架? 呢個甜品喺涼粉加西米露再加一個Vanilla雪糕球，D鮮果呢?? 我叫鮮果雪糕涼粉喎。再睇番佢落單個牌，佢寫「糕粉，$20」，但睇勻
今日下午四點幾，幫媽咪送D嘢比住喺附近嘅阿姨，太耐無食甜品嘅我想食甜嘢，見以上形容嘅情況，就拿拿淋泊好架車，入去想食燉奶。
當時是tea time，成間嘢得七成客，但坐落無人招呼，但D侍應(好多人架，個個好似中學生咁嘅年紀)就好似好忙，周圍衝，但唔知忙乜。
乜呢到唔喺食甜品嘅咩? 點解枱枱客都食茶餐而唔食燉奶，連甜品都少人叫?
唔理，我好快叫侍應埋黎落order：「一個熱鮮奶燉蛋白。」
待應：「無得買喎，起碼要等三個字，要燉0麻，食其他甜品啦，其他會好快黎。」
燉奶佬無燉奶買?? 吓，人地其他甜品舖都唔會用呢個藉口話無燉奶啦，何況你以此作主打??
唔怪得個個只都食茶餐。
算，我求其响meun上點咗個鮮果雪糕涼粉。不過叫完後，一路都見有剛坐落嘅客叫燉奶不果，大家都嘖嘖稱奇。
我等呀等，等呀等，差D訓着……
15 mins 過去，涼粉仲未到。我追咗幾次單，終於黎la……
咦?? 乜黎架? 呢個甜品喺涼粉加西米露再加一個Vanilla雪糕球，D鮮果呢?? 我叫鮮果雪糕涼粉喎。再睇番佢落單個牌，佢寫「糕粉，$20」，但睇勻成個meun都無一個價值20大元嘅雪糕涼粉喎。即刻叫侍應黎……
我：「呢個乜嘢黎? 我叫鮮果雪糕涼粉喎。D鮮果喺邊?」
待應：「可能入邊唔記得加鮮果比你，同你換過。」
我：「仲換? 我等咗超過3個字，唔想再等。你答我呢個喺乜，搞清楚落單呢樣嘢同價錢相符的話，我食咗埋單就算。」
待應望番meun一大輪，答唔到我。
我：「你叫經理黎。」
經理到，我將件事同佢講一次。
經理：「我諗佢整錯咗黑牛涼粉比你。」
我：「吓? 黑牛唔喺應該有溫呢拿同朱古力雪糕嘅咩? 仲有，黑牛$16咗喎，而家你地寫我$20，究竟點架，你同我解決呢個難題。」
經理：「……」
最後經理依依哦哦，計咗個最basic嘅涼粉價錢……$11。
真喺食涼粉都會食出火。
D侍應年紀細無乜禮貌，D單又亂(眼見收銀處D外買單亂哂)，嘢食唔特別好味，侍應同經理連個meun都唔熟，真喺想自取滅亡。
张贴