板長壽司 (已結業)

自從天頌商場食店太翻新，就好耐冇去食板長壽司。 一向去板長壽司食野，都冇諗過要寫食評，今日遇到嘅事實在令人無奈，不得不寫。事緣元旦日午餐時間經開板長，見冇人排隊就入去啦。經理話下載板長個app，做會員，會員生日當月有85折，仲要送多20蚊coupon可以即用，而且全店現鼓勵食客用app 點菜，因為不嬲用開嘅下單tablet已經收起哂。但係佢個新app， 不論我用iphone，定andriod，都係不停彈app，長期load唔到或交左單但張單會在平衡時空中消失。搞左15分鐘，結果都係要用返店員人手下單，因為佢個app死左，85折，20蚊coupon全部用唔到。app未做好就強推，相信都害了不少店員無辜受罪。因為花左好多時間玩app不果，為節省時間，都係叫返午餐算啦。叫左三個午餐，跟餐味噌湯同胡麻沙律。和風牛肉丼$58刺身丼$68壽司加牛肉烏冬$78冇食板長一排，午市的魚生同沙律菜的新鮮程度普通啦，鰤魚刺身仲要有條細骨不過呢個價錢配呢個質素，都收貨啦。曾經在我心中屬於香港壽司連鎖店頭位的板長，現在好似都比元氣比下去，希望板長在新一年可以進步改善。