發記甜品 (已結業)

是咁的，今日同老婆和外父入左去深井探大姐姐，食完飯就去左發記食甜品啦。好耐未入過黎食，我本身都唔多好甜品，不過之前黎食過覺得都唔差，就叫左個豆腐花芝麻糊，我老婆就叫紅豆沙同芒果班戟。好啦，我地等左一陣，見到一碗*浪*下*浪*下既野咁放低左，紅卜卜成碗水咁（心諗唔係咁水呀嘛！😨），呢碗「紅豆水」沙都唔沙下，重要溝水，紅豆同水比例係1：8，用匙羹盛起見到一層水係面，甜都唔甜下😡。好啦，之後到芒果班戟出場啦。咦？點解得兩舊既？我記得以前有四舊架，唔同我記錯？食第一舊味同口感都無咩變都ok，但食第二舊，哇，咁多渣既😒，咩而家租金貴到連渣都當係食材黎用？紅豆沙係咁咦煲下再溝水就算。至於個豆腐花芝麻糊，情況同紅豆沙一樣，我都唔再重覆了。總之今晚過後，發記甜品拜拜，唔會再見。😡😡😡