半點心茶座 (已結業)

差到要開AC寫食評，買左團購任食已經打左九十萬次電話先有人聽，聽電話個阿嬸態度已經好差，Book枱時已經一肚氣，到食果日，第一轉叫左8個點心包括兩盅飯，腸粉凍既，燒賣只系實得得既肉球，蘿蔔糕得粉冇蘿蔔，排骨D肉硬既，只系D飯OK，fine,明白團購平所以食物方面都吾敢要求太高，但最谷氣係D務態度真係超!級!差!我地頭一round 8個点心入面只係食剩三分一盅飯同一舊叉燒包皮，注意，係包皮吾係成個包，個阿婆過來收野時竟然摷返唒我地嫘出來既骨，之後問我地第二轉係咪叫左好多野，話我地食剩好多，我話我地只係剩左少少飯，佢就話我地食剩叉燒包，但我地只係食剩一塊皮，真係聽到已經一肚氣!!第二round黎到，馬拉糕硬既，冇口感，差D比佢哽死，一路食個阿婆就係咁系後面行來行去，一係就一路望住我地一路望住鐘，想點姐!廢事佢又阿支阿嗟，D野幾難食都夾硬哽落去，收野時我地已經係咁講唔該，個阿婆就黑口黑面，做乜姐而加，孤寒唔想比人點吾好搞團購任食啦！食到一肚氣，食左咁多團購餐廳未遇過一間咁差的，阿媽話觉得自己好似乞衣同佢地乞食咁