影片
更多
2023-12-09
35 浏览
裝潢以黑膠唱片為主題，整個空間充滿音樂同復古嘅氣息。餐廳位於銅鑼灣，周圍環境熱鬧，但一入到餐廳就會感受到一種寧靜同舒適。餐廳內播放嘅音樂悅耳，加上舒適嘅座位同有情調嘅燈光，令人可以好好享受食物同放鬆心情！-白酒忌廉輕煎虎蝦 $138-原來係湯嚟架！勁驚喜，勁好飲！大推！！虎蝦煎得剛剛好，白酒、提子同杏仁片嘅加入，令整個成碗湯嘅味道更加豐富，忌廉嘅湯底好正好香！-燒美國黑安格斯肉眼扒（10安士）$368-肉眼扒燒得外層焦香，內裏保持多汁嫩滑，每一刀切落去都感受到肉汁嘅豐富。而且，佢哋仲特別配搭咗日本南瓜同薑黃花椰菜，呢啲配菜嘅甜味同清新感都好適合肉眼扒嘅濃郁！-迷你德國鹹豬手 $188-呢個價錢真係物超所值。鹹豬手嘅皮烤得脆口，肉質鬆軟，同烤雜菜嘅香味一齊食，真係好滿足。而且，蜜糖芥末醬嘅輕微微辣同甜味，令到呢個菜式嘅味道層次更加豐富。-黑松露薯條 $128-好大兜，勁抵食😆😆薯條炸得金黃酥脆，撒上嘅巴馬臣芝士同黑松露醬，味道濃郁，就算攤凍咗都依然咁好食！！-「雪糕」氣泡焙茶 $78-初初係因為好奇點解個雪糕要括住先點嘅😆飲品嚟到係冇雪糕，但飲落去，居然有種雲呢拿味雪糕嘅回甘口湧上嚟！焙
裝潢以黑膠唱片為主題，整個空間充滿音樂同復古嘅氣息。餐廳位於銅鑼灣，周圍環境熱鬧，但一入到餐廳就會感受到一種寧靜同舒適。餐廳內播放嘅音樂悅耳，加上舒適嘅座位同有情調嘅燈光，令人可以好好享受食物同放鬆心情！
-白酒忌廉輕煎虎蝦 $138-
原來係湯嚟架！勁驚喜，勁好飲！大推！！虎蝦煎得剛剛好，白酒、提子同杏仁片嘅加入，令整個成碗湯嘅味道更加豐富，忌廉嘅湯底好正好香！
-燒美國黑安格斯肉眼扒（10安士）$368-
肉眼扒燒得外層焦香，內裏保持多汁嫩滑，每一刀切落去都感受到肉汁嘅豐富。而且，佢哋仲特別配搭咗日本南瓜同薑黃花椰菜，呢啲配菜嘅甜味同清新感都好適合肉眼扒嘅濃郁！
-迷你德國鹹豬手 $188-
呢個價錢真係物超所值。鹹豬手嘅皮烤得脆口，肉質鬆軟，同烤雜菜嘅香味一齊食，真係好滿足。而且，蜜糖芥末醬嘅輕微微辣同甜味，令到呢個菜式嘅味道層次更加豐富。
-黑松露薯條 $128-
好大兜，勁抵食😆😆
薯條炸得金黃酥脆，撒上嘅巴馬臣芝士同黑松露醬，味道濃郁，就算攤凍咗都依然咁好食！！
-「雪糕」氣泡焙茶 $78-
初初係因為好奇點解個雪糕要括住先點嘅😆飲品嚟到係冇雪糕，但飲落去，居然有種雲呢拿味雪糕嘅回甘口湧上嚟！焙茶味好出，將培茶夾埋雲呢拿味，原來係一種咁高級嘅香氣！味道唔太甜，茶香較濃，估唔到配扒同豬手一齊品嘗會咁夾～
张贴
