一盛極牛 (已結業)

呢日我同朋友兩個人去尖沙咀食飯，由於想食拉麵嘅關係所以就揀左呢間唔係開左好耐嘅一盛極牛食晚餐，但估唔到佢嘅拉麵真係好驚喜佢嘅拉麵湯底相比起其他拉麵店黎講非常特別，係用牛骨熬製而成，所以佢嘅湯飲起上黎真係好濃郁，再加上白牛拉麵係加埋白松露，所以無論係食定係聞都有淡淡嘅白松露香味。而佢嘅麵都非常有彈性，煮嘅軟硬度因為可以自己揀，所以對於我黎講煮得啱啱好，真係比得上係日本食嘅味道而更值得一提嘅係佢嘅「和王」牛肉，呢個真心勁推。我揀左嘅係灸燒，所以啲牛肉係燒到半熟左右，但又唔會話燒得太熟而好韌。佢嘅牛肉好鮮嫩，食落有啲咬口，仲要食到牛肉本身嘅味道，係我好少搵到有餐廳食到嘅味道如果大家去開尖沙咀不妨真係去試下佢