Burgeroom (已搬遷) 新店位置

昨晚同個朋友去左Burgeroom食dinner,一入到去好多人要搭枱,本來想走啦...不過又行到鬼死咁熱...算啦...叫左芝士牛肉漢堡($88),芝士薯條($2x),脆辣雞翼($2x),兩支果汁($25x2)!!!比左錢之後等食...後面有人走喎~嗱嗱臨轉位啦~呢度由於地方淺窄,得一個待應妹妹招呼~不過佢態度都好親切,笑容滿面~等食時間都唔係太耐,十至十五分鐘左右有得食,漢堡包冇得彈~非常非常juicy~食到我成手都係汁...(自己論盡姐)~食落好有層次感~芝士薯條都好味,不過要快d食,,,凍左d芝士就硬晒冇咁好食,脆辣雞翼冇改錯名,真係好脆~辣就對我黎講一d都唔辣啦~不過都幾抵食,廿幾蚊有七隻(我唔知係唔係指家定左七隻),用黎送啤酒一流~下次想試下鵝肝牛肉漢堡~我諗應該好好味~