影片
更多
2008-12-25
28 浏览
今晚嘅晚餐原本喺元氣食嘅，不過食咗幾碟，都係唔係好得，我哋唔想咁樣就食完個晚餐，就轉場再戰嘞！嚟到Ruby Tuesday，都成十點嘞，問吓門口嘅小姐幾點收，佢話收十一點，十點九 last order，仲有成個鐘，我哋就決定入去食，呢度嘅服務可以話幾貼身，侍應會介紹自己個名，然後又會好好笑容咁介紹其他菜式，不過因為今日下晝同老婆睇完流行東京介紹嗰個巨型漢堡，佢又想食漢堡，我哋就主要嚟食呢樣嘢嘞！ 是夜order 咗： Bacon Cheddar Fries 煙肉芝士薯條：對於薯條呢樣食物，我從來都唔覺得會因為食店唔同而有好大差別嘅，分別可能只係薯條嘅粗幼、炸嘅程度同埋上菜時嘅熱度而影響咗味道！不過呢度嘅薯條比我有新嘅體會，佢用咗煙肉同埋車打芝士放喺炸好嘅薯條上面再焗，薯條唔會稔晒之餘，依然脆口，而煙肉同芝士焗過之後就令原本平凡嘅薯條變成頂級美味！ 半融嘅芝士，焗得香脆嘅煙肉令薯條味道唔再單調而變得有層次感，再配埋同上嘅 sour cream，不知不覺一條接一條，食完都唔知，只係$78，物有所值！ Colossal Burger 超級漢堡：香港專賣漢堡飽嘅店都唔少，乜嘢派別都有，豐儉由人
Bacon Cheddar Fries 煙肉芝士薯條：對於薯條呢樣食物，我從來都唔覺得會因為食店唔同而有好大差別嘅，分別可能只係薯條嘅粗幼、炸嘅程度同埋上菜時嘅熱度而影響咗味道！不過呢度嘅薯條比我有新嘅體會，佢用咗煙肉同埋車打芝士放喺炸好嘅薯條上面再焗，薯條唔會稔晒之餘，依然脆口，而煙肉同芝士焗過之後就令原本平凡嘅薯條變成頂級美味！ 半融嘅芝士，焗得香脆嘅煙肉令薯條味道唔再單調而變得有層次感，再配埋同上嘅 sour cream，不知不覺一條接一條，食完都唔知，只係$78，物有所值！
Colossal Burger 超級漢堡：香港專賣漢堡飽嘅店都唔少，乜嘢派別都有，豐儉由人，呢個賣$140嘅超級漢堡係我同老婆都未食過嘅，上菜嘅時候好震撼，我同老婆都好似細路仔咁想拍手歡呼，真係好巨型，而且有啲似下晝睇電視見到嘅漢堡包咁，只不過日本嗰個巨型漢堡係用支烤肉針穩住造型，而 ruby 呢度就用一把扒刀！個漢堡最大嘅賣點係佢用嘅牛扒每塊都有500克，成個漢堡入面嘅牛扒就足足有一千克！ 兩塊扒仲不斷流出肉汁，呢個時候，如果可以等一陣個扒就會更好味，因為牛扒啱啱燒好嘅時候需要時間釋出肉汁。拔起扒刀，切開個漢堡包，都唔係一件易事，亦需要少少技巧同耐性！ 漢堡嘅包部份烘得香脆，質感軟綿；生菜同蕃茄亦夠新鮮；主角漢堡扒係我哋指定要嘅五成熟，扒嘅面頭可見燒過嘅格仔紋烙印！ 切開試吓，肉汁滿溢，牛扒冇筋之餘，肉味好濃好突出，真係令人好滿足！ 超級漢堡不負其名！拌碟嘅薯條雖不及之前美味，仍然係香脆可口嘅！
之前都有想過食埋甜品，但兩道菜下來，已經失去戰鬥能力，惟有擇日再戰！是夜嘅 server Jolie 笑容可掬，服務殷勤；店內一早已換上節日嘅裝飾，氣氛浪漫！埋單兩個人都係$240，就享受咗咁好嘅環境，咁有水準嘅服務同食物，絕對超值！
张贴
