牛角次男坊 (荃灣廣場) (已結業)

每次經過都見好多人排隊，晚市6點半左右，趁未多人去食。而家外賣更加有優惠添。入座前要量體溫，可以揀好位，睇岩食咩之後，先去收銀處落order，等職員送餐，好似semi自助形式。叫左牛角次男坊丼配鴨肝定食($139)，豚丼配穴子定食($98)。食物堆到好高，好似一座山咁，好吸睛。首先，鴨肝外皮煎到夠脆，咬開啖啖油脂香味，唔會油膩。牛肉起碼有10多塊，每塊既size都唔細，而且唔係薄切，所以好滿足。加埋牛肉燒汁一齊配飯食，一流。有大量蔥絲，感覺清新。個豌唔大但夠深，所以食食下都幾飽。可以揀普通豚丼或者有配穴子既定食。穴子一大條放係面，有噱頭。穴子燒完好香，唔會有骨，啖啖肉，而且肥美算厚肉。而豚肉肉味重，亦都係每片都厚。仲有紫菜絲係飯上面，同樣有大量蔥絲。定食跟一個前菜，及飲品。前菜係中華沙律，清爽正常。而飲品可以係道地解茶/汽水。整體，menu仲有好多款巨丼可以揀，不定時會有新丼推出。輕鬆舒服食dinner。