雲來軒 (已結業)

我喜歡尋覍美食，聽講K11附近有位隱世名廚相當唔錯，剛好今晚在附近辦事，所以預先訂位食飯，只有二個人，食得唔多，今晚清清地先淺嚐一下。四款菜式之中，我最欣賞西湖牛肉羹，做得唔錯，牛肉是手剁牛肉，吃到有肥有瘦肉，肉質鬆軟有咬口， 做呢款牛肉羹牛肉口感很重要，湯料裡面還有菇粒及蔥花等，豐富了口感。拖地蜜汁黑豚肉都好，叉燒夠肥，所以叫拖地、寓意拖肥貼切，每件皆厚且大件，軟棉口感，甜蜜入味，好多汁，不愧為招牌，見到咁有份量，叫碗白米飯汁都撈埋，男人的浪漫！服務員介紹今日時令，蒜蓉粉絲蒸蟶子皇 $88一只合理，蒜蓉粉絲剛才是精華，份量非常足，這方面非常恰當。柚子脆蝦球的汁做得唔錯，酸甜味道吊地炸蝦球，配合得好。稍嫌墊在蝦下面的並非鍋巴，類似炸麵餅的東西太粗，唔太吸汁。