名門私房菜

营业中

休息中

同朋友仔去灣仔食飯，每次都花少少時間去搵好食既店舖，但朋友又好想食中菜，於是搵到一間食私房菜的舖頭。【杏汁豬肺湯】豬肺湯是我近期喜歡飲的一種湯，因煲這種湯事前好花工夫，但這間真是不錯，杏仁香濃郁又清甜，再加上厚厚的花膠，令滋補效果再次升華。【冰鎮鮑魚】冰涼的鮑魚，爽口彈牙，淡淡的酒香，再配埋芥辣醬汁，真另一風味。【麵醬啫啫唐生菜煲】熱辣辣的生菜煲再配埋麵醬一起炒勻，令每條生菜都沾了麵醬，又不會太鹹，真是不錯。【燒汁桂花魚】炸得酥酥脆脆的桂花魚，再淋上酸酸甜甜汁，令人非常醒胃，內裡魚肉又非常嫩滑，餸飯一流。