Picoso

营业中

休息中

一嚟到荔枝角同朋友食晚飯，朋友選址係位於長沙灣廣場好近嘅工廠大廈裏邊的一間墨西哥菜！環境清幽，雖然唔大但係坐得幾舒服！不過呢一度係有一啲電話供應商嘅網絡係用唔到嘅，可能真係要好似以前咁樣約好地方之後不見不散！講下姐其實呢一度有無線上網嘅服務供應，有需要或者真係發現電話收唔到可以問返職員啊！呢度嘅飲品選擇唔算多，但係有呢兩種咁健康嘅檸檬水同埋橙水供應！價格十分之便，都幾好飲架！先點左個前菜，一客兩件嘅炸蟹餅，圓轆轆，大概有手掌心細少少嘅size , 十分之可愛! 十分之厚肉很豐滿！配上沙律醬汁同埋少少嘅檸檬汁清新啊，裡邊嘅蟹肉是十分之多，配上少少嘅雜菜惹味好吃！接着點了呢一個辣肉醬粟米片！十分之好，香脆粟米片，底層混合少少豆蓉，仲有牛肉醬，墨西哥嘅辣椒及番茄碎，紅腰豆，酸忌廉同牛油果醬等等！當然唔少得就係焗到半溶嘅拉絲芝士啦！呢個我覺得真係皇牌美食，一定要試！最後仲有呢一個西班牙海鮮炒飯，海鮮量係海量啊！有新鮮嘅魷魚啦，大蝦，三文魚及青口等等配上小小嘅檸檬汁做調味，飯底香濃！美味得很！可能因為用嗰張汁煮過嘅飯啊，所以呢望落去好似唔係好多嘅份量其實兩個人係食唔晒架！呢個菜適合多點人一齊嚟食