影片
更多
2016-06-30
1028 浏览
Openrice吓觀塘有咩好食嘅時候見到呢間I’s Land Cafe，俾佢個裝修完全吸引咗，於是呢一晚就同朋友嚟咗試。呢度真係好green，仲有播雀仔聲，真係好舒服。枱同枱之間嘅間隔都係用書架做成，如果下晝嚟叫個tea都可以一路食一路睇下雜誌hea吓Set dinner選擇唔算太多，但我同朋友都好鍾意食牛，而咁啱有兩款牛，於是我哋就叫咗兩個唔同嘅牛扒set，另外再加兩個snacks嚟share。［黑松露薯條配酸忌奶油，$42］有人形容黑松露朕味係臭雞蛋加汽油味，所以同榴槤一樣，鍾意嘅人好鐘意，唔鍾意嘅人會接受唔到。呢個黑松露薯條送上枱嘅一刻，係真係幾臭，但我鍾意薯條啱啱炸好，熱辣辣，脆卜卜，同黑松露同酸忌廉一齊食真係好夾。 ［生蠔（四隻），$88］呢一日嘅生蠔係南非嘅納米比亞蠔。輕輕掂一掂蠔邊，佢仲識郁架，係新鮮成咁！口感方面，佢海水味比較淡，肉質軟腍creamy，又有隱約鮮甜味滲出，好味！跟住係set dinner嘅蘑菇忌廉湯，跟蒜蓉法包。個湯口感好順滑，有淡淡嘅蘑菇同忌廉味；而蒜蓉包就烘得好脆，蒜蓉同牛油味都好香。［香煎日本A5和牛扒，$238］呢塊牛扒好濃牛味，不愧係A5和牛！
Openrice吓觀塘有咩好食嘅時候見到呢間I’s Land Cafe，俾佢個裝修完全吸引咗，於是呢一晚就同朋友嚟咗試。呢度真係好green，仲有播雀仔聲，真係好舒服。枱同枱之間嘅間隔都係用書架做成，如果下晝嚟叫個tea都可以一路食一路睇下雜誌hea吓Set dinner選擇唔算太多，但我同朋友都好鍾意食牛，而咁啱有兩款牛，於是我哋就叫咗兩個唔同嘅牛扒set，另外再加兩個snacks嚟share。
［黑松露薯條配酸忌奶油，$42］有人形容黑松露朕味係臭雞蛋加汽油味，所以同榴槤一樣，鍾意嘅人好鐘意，唔鍾意嘅人會接受唔到。呢個黑松露薯條送上枱嘅一刻，係真係幾臭，但我鍾意薯條啱啱炸好，熱辣辣，脆卜卜，同黑松露同酸忌廉一齊食真係好夾。
［生蠔（四隻），$88］呢一日嘅生蠔係南非嘅納米比亞蠔。輕輕掂一掂蠔邊，佢仲識郁架，係新鮮成咁！口感方面，佢海水味比較淡，肉質軟腍creamy，又有隱約鮮甜味滲出，好味！
跟住係set dinner嘅蘑菇忌廉湯，跟蒜蓉法包。個湯口感好順滑，有淡淡嘅蘑菇同忌廉味；而蒜蓉包就烘得好脆，蒜蓉同牛油味都好香。
［香煎日本A5和牛扒，$238］呢塊牛扒好濃牛味，不愧係A5和牛！可能因為塊肉都算肥美，所以好腍、好滑、好香！如果覺得膩，可以點一點碟邊嘅芥末醬，會比較清新。
另外伴碟嘅唔係普通嘅薯蓉，而係最迎好hit嘅紫薯！見到都開心
［窄身厚切美國頂級肉眼伴燒鵝肝，$228］我朋友就叫咗呢個，塊牛真係好厚切呀，賣相都好靚！我試咗一小塊，但牛味係和牛扒比較濃，所以呢兩款中我比較推介和牛。
［心形開花茶，+ $28轉飲］我俾佢個名吸引咗，佢成功咗啦，但佢開唔到心形出嚟不過夜晚飲呢個花茶會好瞓啲，因為其實佢係chamomile tea。
［阿芙佳朵雪糕咖啡，+ $25轉飲］朋友係咖啡精，又想食甜品，所以叫咗有齊咖啡同雪糕嘅affogato嚟滿足哂佢嘅願望。聽佢講話咖啡係偏酸嘅，都幾好飲，但雪糕球似乎雪過咗頭，似冰多啲，唯有等佢慢慢溶喺咖啡入面。
其實呢間cafe都幾旺，平日夜晚都會爆，所以我建議book定位會好啲
张贴
